34:15  I5  SERMON  LXIII  16  desbaucher,  voire  du  tout  divertir  du  bien  :  comme  nous  voyons  qu'il  en  est  advenu  a  nostre  Seigneur  Iesus  Christ,  qui  est  le  vrai  miroir  et  patron  de  tous  fideles.  Il  est  vrai  que  David  a  bien  endure  le  semblable:  mais  quand  nous  voyons  ce  qui  est  advenu  au  Fils  de  Dieu,  cela  nous  est  une  regle  certaine,  et  qui  nous  appartient  a  tous.  Maintenant  nous  voyons  ou  se  rapporte  ce  que  dit  ici  Iob,  c'est,  qu'outre  ce  que  nous  le  voyons  avoir  este  en  frayeur  si  terrible,  encore  les  hommes  se  sont  eslevez  contre  lui,  ont  tasche  de  le  mettre  en  desespoir,  et  l'ont  souffle  te  par  opprobres,  comme  si  Dieu  Peust  la  expose  en  proye,*  et  qu'il  ne  tinst  plus  conte  de  lui.  Voila  en  somme  ce  que  nous  avons  a  noter.  Et  ceci  est  escrit  pour  nous,  afin  que  quand  Dieu  permettra  aux  meschans  de  se  mocquer  de  nos  afflictions,  et  qu'ils  s'esleveront  avec  une  telle  furie,  qu'il  semblera  que  nous  devrions  estre  abysmez  par  eux  :  nous/  n'en  soyons  point  par  trop  estonnez.  Pourquoy?  Iob  a  soustenu  de  tels  combats,  et  cependant  nous  voyons  l'issue  qui  a  este  heureuse.  Dieu  nous  a  declare  en  sa  personne,  qu'apres  que  nous  aurons  passe  parmi  telles  tentations,  il  nous  pourra  bien  encores  subvenir.  Fions-nous  donc  en  lui,  estans  appuyez  sur  sa  grace  et  bonte.  Voila  ce  que  nous  avons  a  retenir  de  ce  passage.  Or  notamment  Iob  dit,  Que  Dieu  Va  aussi  livre  entre  les  mains  des  meschans:  ce  qui  merite  bien  d'estre  observe.  Car  nous  pensons  que  les  meschans  font  tout  a  leur  appetit,  et  ne  regardons  pas  que  Dieu  leur  lasche  la  bride  autant  qu'il  veut,  et  qu'ils  ne  peuvent  passer  outre  que  ce  qui  leur  est  permis  d'enhaut.  Ceci  (comme  i'ay  dit)  merite  bien  d'estre  note.  Car  si  nous  sommes  preoccupez  d'une  telle  phantasie,  que  les  meschans  ne  soyent  point  en  la  main  de  Dieu,  et  qu'ils  se  desbordent  tant  qu'ils  voudront,  que  Dieu  n'y  mettra  point  de  remede  :  et  que  sera-ce?  Ne  faut-il  point  que  nous  soyons  du  tout  abbatus?  Et  ou  aurons-nous  nostre  recours?  Mais  si  nous  cognoissons  que  Dieu  tiene  la  bride  a  Satan,  et  a  tous  les  siens,  et  que  non  seulement  ils  ne  puissent  remuer  un  doigt  contre  nous,  mais  aussi  qu'ils  ne  puissent  rien  penser  n'entreprendre  sans  que  Dieu  Tait  dispose:  alors  nous  pourrons  recourir  a  lui  hardiment,  quand  nous  serons  ainsi  persecutez,  sachans  que  le  remede  est  en  sa  main  et  en  sa  bonne  disposition.  Nous  avons  aussi  a  nous  humilier  devant  sa  face.  Car  si  les  meschans  se  remuoyent  d'eux-mesmes,  et  que  Dieu  ne  s'en  meslast  point:  alors  il  ne  nous  viendroit  point  en  memoire  de  cognoistre  les  corrections  et  chastiemens  de  Dieu,  pour  penser  a  nos  pechez,  et  aussi  pour  gemir  devant  lui,  afin  qu'il  ait  pitie  de  nous:  mais  si  nous  cognoissons,  que  les  plus  meschans  sont  comme  verges  qu'il  tient  en  ses  mains,  desquelles  il