30:15  15  HOMILIA  XLVI.  16  esto  Achab  ille,  qui  audito  nuncio  de  hostium  adventu  timore  totus  percellitur,  et  instar  foliorum  in  arbore  trementium  concutitur:  neque  tamen  ad  Deum  auxiliatorem  confugit.  Atqui  fideles  de  Dei  promissis  ita  persuasos  oportet  esse,  ut  metus  cum  spe  tamen  et  fiducia  coniungatur.  Observandum  enim  quod  ait  Isaias,  in  silentio,  id  est  placide  et  tranquille  expectandum  divinum  auxilium,  quod  iis  rationibus  quas  commodissimas  esse  iudicaverit,  faciet  tandem  ut  sentiamus.  Quare  satis  apparet  ex  istis  Saulis  peccatum,  quod  tamen  in  praesentia  pluribus  persequi  non  vacat;  quamobrem  in  hoc  unum  animum  nostrum  applicemus,  ut  veritati  Dei  locum  demus,  ut  ille  suum  opus  iis  gradibus  et  rationibus  promoveat,  quas  ipsi  videbitur  adhibere  bonum  et  necessarium  :  neque  nostra  intemperantia  et  incredulitate,  nobis  innato  vitio,  opus  ipsius  praecipitemus.  Sed  discamus  potius  fidem  in  ipso  nostram  ita  collocare,  ne  unquam  ab  ipso  recedamus,  et  hinc  inde  fluctuantes  vacillemus,  sed  illi  soli  acquiescamus:  Atque  adeo  si  morari  videbitur,  non  frustra  id  fieri  persuasum  habeamus,  atque  in  ipsius  providentiam  temporum  et  opportunitatum  administrationem  reiiciamus:  atque  interim  sciamus  illum  sic  de  nobis  fore  sollicitum,  ut  nunquam  ipsius  auxilium  nos,  ne  ad  momentum  quidem,  neque  ulla  in  re  deficiat,  etsi  praeter  omnem  nostram  spem  et  exspectationem  id  fiat.  Nam  facere  moram  nobis  videtur,  quum  precibus  nostris  interpellatus  non  primo  quoque  tempore  respondet:  et  proinde  iustam  habere  nos  conquerendi  occasionem  nobis  persuademus.  Verum  ita  fidei  nostrae  virtute  certandum  est,  ut  licet  diu  multumque  Deum  exspectaverimus,  tamen  adfuturum  opportuno  tempore  sciamus,  et  effecturum  ut  promissionibus  ipsius  fruamur.  Deinceps  vero  latam  adversus  Saulem  sententiam  audituri  sumus,  quae  nobis  instructionis  loco  esse  debet.  Nam  quamcunque  tandem  excusationem  facto  suo  praetexuerit,  regno  tamen  deiectus  est:  quod  nimirum  Deo  sese  non  submisisset,  neque  honorem  ei  debitum  reddidisset:  sed  stulte  et  temerarie  holocaustum  offerre  ex  impatientia  ante  Samuelis  adventum,  etsi  bona  intentione  coepisset,  atque  hominibus  gratum  illud  acceptumque  fuisset,  Deus  tamen,  ut  infra  visuri  sumus,  eum  docuit,  sibi  longe  esse  acceptiorem  obedientiam  quam  sacrificium.  Iam  superest  ete.  HOMILIA  XLVI.  8.  Et  exspectavit  septem  diebus,  iuxta  placitum  Samuelis,  et  non  venit  Samuel  in  Galgala,  dilapsusque  est  populus  al  eo,  9.  Ait  ergo  Saul,  afferte