3:15  15  EPISTRE  16  pour  nous  (Rom.  8,  32)?  que  de  reposer  en  une  certaine  attente  de  salut  et  vie  eternelle,  quand  on  pense  que  Christ  nous  a  esté  donné  du  Pere,  auquel  tels  thresors  sont  cachez?  A  ces  choses  ils  repugnent,  et  disent  qu'une  telle  certitude  de  fiance  n'est  pas  sans  arrogance  et  presomption.  Mais  comme  il  ne  faut  rien  presumer  de  nous,  aussi  nous  devons  presumer  toutes  choses  de  Dieu:  et  ne  sommes  pour  autre  raison  despouillez  de  toute  vaine  gloire,  sinon  afin  de  nous  glorifier  en  Dieu.  Que  diray-ie  plus?  Considerez,  Sire,1)  toutes  les  parties  de  nostre  cause:  et  nous  iugez  estre  les  plus  pervers  des  pervers,  si  vous  ne  trouvez  manifestement  que  nous  sommes  oppressez2)  et  recevons  iniures  et  opprobres,  pourtant  que  nous  mettons  nostre  esperance  en  Dieu  vivant  (1  Tim.  4,  10),  pourtant  que  nous  croyons  que  c'est3)  la  vie  eternelle  de  cognoistre  un  seul  vray  Dieu,  et  celuy  qu'il  a  envoyé,  Iesus  Christ  (Iean  17,  3).  A  cause  de  ceste  esperance  aucuns  de  nous  sont  detenus  en  prison,  les  autres  fouettez,  les  autres  menez  à  faire  amendes  honorables,  les  autres  bannis,  les  autres  cruellement  affligez,  les  autres  eschappent  par  suitte:  tous  sommes  en  tribulation,  tenus  pour  maudits  et  execrables,  iniuriez  et  traitez  inhumainement.  Contemplez  d'autre  part  nos  adversaires  (ie  parle  de  l'estat  des  prestres,  à  l’aveu  et  appetit  desquels  tous  les  autres  nous  contrarient):  et  regardez  un  petit4)  avec  moy  de  quelle  affection  ils  sont  menez.  Ils  se  permettent  aisément  à  eux  et  aux  autres,  d'ignorer,  negliger  et  mespriser  la  vraye  religion,  qui  nous  est  enseignée  par  l'Escriture,  et  qui  devoit  estre  resolue  et  arrestée  entre  tous:  et  pensent  qu'il  n'y  a  pas  grand  interest  quelle  foy  chacun  tient,  ou  ne  tient  pas  de  Dieu  et  de  Christ:  mais  que  par  foy  (comme  ils  disent)  enveloppée,5)  il  submette  son  sens  au  iugement  de  l'Eglise.  Et  ne  se  soucient  pas  beaucoup  s'il  advient  que  la  gloire  de  Dieu  soit  polluée  par  blasphemes  tous  evidens,6)  moyen-