29:15  15  SERMON  CLXXXIIL  16  tre  les  Iuifs,  nos  peres  estoyent  comme  membres  pourris,  il  n'y  avoit  nulle  esperance  de  salut,  ils  estoyent  sans  Dieu  en  ce  monde,  comme  S.  Paul  en  parle.  Or  maintenant  nous  sommes  venus  au  royaume  celeste,  d'autant  que  les  Iuifs  par  leur  ingratitude  en  sont  decheus,  qu'ils  sont  trebuschez  du  degre  ou  ils  estoyent:  et  Dieu  nous  y  a  eslevez,  voire  contre  nature:  et  pensons-nous  quand  nous  serons  semblables  a  ceux  qui  estoyent  superieurs  en  dignite  a  nous,  qu'en  la  fin  Dieu  n'exerce  point  une  telle  vengeance  sur  nos  testes,  comme  nous  l'avons  veu?  Et  ainsi  donc  que  les  Iuifs  nous  soyent  un  miroir  pour  nous  faire  cheminer  en  toute  humilite,  que  nous  n'abusions  point  des  graces  de  Dieu.  Il  est  vray  que  nous  devons  estre  asseurez,  que  Dieu  continuera  iusques  a  la  fin  ce  qu'il  a  commence  pour  nostre  salut,  voire  quand  de  nostre  coste  nous  ne  serons  point  si  malins  d'aneantir  sa  grace:  quand  nous  ensuyvrons  ceux  qui  nous  ont  precedez,  ne  pensons  point  en  avoir  meilleur  marche  qu'eux.  Voila  donc  ce  que  nous  avons  a  retenir  en  ce  passage,  quand  il  est  dit,  que  Dieu  provoquera  son  peuple  a  ialousie  en  ceux  qui  n'ont  point  este  peuple  auparavant.  Or  Moyse  dit:  Que  ce  sera  en  une  gent  folle.  Et  nous  faut  bien  encores  noter  ceci:  car  nous  cuidons  estre  bien  sages:  et  voila  qui  nous  empesche  de  nous  renger  en  l'obeissance  de  Dieu,  et  d'avoir  ceste  modestie,  de  accepter  par  foy  tout  ce  qui  nous  est  propose  en  son  Nom.  Or  ici  le  sainct  Esprit  declare  quels  nous  sommes,  c'est  assavoir,  que  iusques  a  tant  que  Dieu  nous  ait  illuminez,  qu'il  n'y  a  que  pure  follie  en  nous.  Quelle  sera  donc  toute  nostre  sagesse?  ce  qui  nous  aura  este  enseigne  en  l'eschole  de  Dieu.  Or  par  cela  toute  presomption  est  abbatue,  afin  que  les  hommes  ne  cuident  pas  estre  assez  habiles  pour  se  savoir  gouverner,  et  qu'ils  ne  mesprisent  point  la  doctrine  de  Dieu:  mais  qu'ils  s'y  rendent  du  tout  dociles.  Et  cependant  aussi  notons  qu'en  general  Dieu  a  voulu  despouiller  les  hommes  de  toute  gloire,  quand  il  dit,  qu'ils  ne  sont  point,  et  quHls  ne  sont  que  fols7  c'est  a  dire  qu'il  n'y  a  que  toute  opprobre  en  eux.  Et  il  adiouste  quant  et  quant  :  Que  son  ire  sera  embrasee,  et  qu'elle  entrera  iusques  aux  abysmes,  qu'elle  consommera  la  terre  avec  ses  fruicts,  voire  iusques  aux  racines  des  montagnes.  Ici  Moyse  en  somme  a  voulu  mieux  toucher  et  plus  au  vif  ceux  qui  estoyent  par  trop  estourdis,  et  qui  ne  pouvoyent  venir  a  cognoissance  de  leurs  pechez.  Or  non  seulement  il  parloit  au  peuple  lequel  il  avoit  cogneu  estre  d'un  col  dur,  et  revesche:  mais  en  vertu  de  l'Esprit  de  Dieu  il  prophetisoit  de  ceux  qui  devoyent  succeder.  Or  Moyse  ne  les  a  point  cogneus  selon  l'homme:  mais  Dieu  qui  savoit  quels  sont  les  hommes,  a  prononce  desia  sa  sentence.  Et  DUIS  vovant  Qu'ils  sont  si  stumdes.  il