27:15  15  SERMON  LXIX.  16  en  la  terre  que  ie  donneray  a  mon  peuple.  Combien  qu'il  representast  la  personne  de  nostre  Seigneur  Iesus  Christ,  qu'il  en  fust  figure,  combien  qu'il  fust  moyenneur  entre  Dieu  et  les  hommes,  qu'il  intercedast  pour  les  pechez  du  peuple,  qu'il  feist  les  sacrifices  pour  renoncilier  la  maieste  de  Dieu:  toutesfois  si  est-ce  que  par  ignominie  il  est  banni  de  ceste  terre,  il  meurt,  il  est  despouille  de  ses  robes  devant  sa  mort,  il  est  la  comme  degrade  :  et  Dieu  le  laisse  la  comme  un  homme  deshonore,  comme  un  homme  qui  est  flestri  d'ignominie  perpetuelle.  Quand  Dieu  use  d'une  telle  punition  en  la  personne  d'Aaron:  qu'est-ce  qu'avoyent  merite  ceux  qui  estoyent  inferieurs  a  luy?  Ainsi  donc  Moyse  declaire  que  Dieu  a  choisi  la  lignee  de  Levi  pour  porter  l'arche,  pour  estre  a  son  service:  non  point  qu'ils  en  fussent  dignes:  mais  si  est-ce  qu'il  a  voulu  monstrer  aux  successeurs  de  Levi,  ce  qu'il  avoit  dit  a  tout  le  reste  du  corps  general  des  enfans  d'Abraham,  c'est  qu'ils  tenoyent  tout  de  sa  bonte  gratuite.  Voila  donc  pourquoy  ici  la  mort  d'Aaron  est  recitee.  Or  cependant  nous  voyons  que  Moyse  n'a  point  espargne  son  frere  propre  :  car  il  a  ici  remis  en  avant  la  sentence  que  Dieu  avoit  prononcee,  et  de  laquelle  aussi  l'execution  estoit  faite:  ce  n'estoit  point  l'honneur  de  sa  maison:  mais  quoy?  Il  veut  'glorifier  Dieu,  et  que  les  hommes  soyent  condamnez.  Nous  voyons  mesmes  qu'il  n'a  point  voulu  cacher  sa  faute:  mais  qu'il  a  recite  que  Dieu  l'avoit  puni,  encores  qu'il  y  eust  grande  excuse  en  luy,  et  que  tout  devoit  estre  impute  au  peuple,  pource  qu'il  avoit  failli  en  un  seul  endroict,  et  failli  non  point  par  malice,  mais  qu'il  s'estoit  seulement  chagrigne:  si  est-ce  qu'il  se  fait  son  proces,  il  met  cela  en  avant,  et  en  fait  des  chroniques  qui  doivent  estre  leues  iusques  en  la  fin  du  monde.  Quand  nous  voyons  cela,  apprenons  de  n'avoir  point  honte  de  confesser  nos  pechez,  pour  monstrer  que  Dieu  est  iuste  Iuge  en  nous  punissant:  que  nous  ne  taschions  point  d'ensevelir  les  chastimens  que  Dieu  nous  aura  envoyez.  Comme  nous  en  voyons  beaucoup,  quand  Dieu  a  fait  des  punitions  notables,  ils  voudroyent  que  iamais  il  n'en  fust  parle.  Et  pourquoy?  O!  ce  n'est  pas  nostre  honneur.  Voire,  et  vous  serez  honorables  en  despit  de  Dieu,  et  de  sa  iustice  :  vaut  il  mieux  qu'on  vous  espargne  que  la  gloire  de  son  Nom?  Ainsi  donc  cognoissons  quand  nous  aurons  commis  quelque  faute,  et  que  Dieu  aura  estendu  sa  main  pour  nous  punir:  qu'il  faut  que  cela  soit  recite  entre  nous,  qu'on  y  pense,  et  que  nous  confessions  que  Dieu  est  tousiours  iuste,  et  que  nous  avons  bien  merite  qu'il  usast  envers  nous  de  correction,  et  que  nul  ne  soit  espargne  en  cest  endroit,  puis  que  nous  voyons  que  Moyse  ne  pardonne  point  a  son  frere  propre.  Voila  donc  ce  que  nous  avons  a