25:15  15  SANCTIONES  A  PROMISSIONIBUS  ET  MINIS.  16  demiarum,  et  sementis,  uberrimam  tritici  et  vini  copiam  significat.  Nam  si  exigua  sit  messis,  non  multum  erit  negotii  in  quo  se  occupent  agricolae:  si  tenues  sint  vindemiae,  hinc  quoque  triste  otium.  Ubi  autem  pronunciat  Deus,  a  messe  usque  ad  sationem  fore  illis  continuam  materiam  in  qua  se  exerceant,  annum  fertilem  sperare  iubet:  sicuti  mox  sequitur:  Comedes  panem  tuum  ad  saturitatem  usque.  Verum  quia  sine  pace  nulla  iucunda  est  prosperitas,  tranquillos  fore  dicit,  et  ab  omni  perturbatione  immunes.  Idque  diligenter  notandum  est,  adeo  sine  condimento  tranquilli  status  insipida  esse  Dei  beneficia,  ut  inquietudine  nihil  sit  miserius.  Summa  est,  veris  Dei  cultoribus  non  modo  reposita  esse  apud  ipsum  alimenta,  sed  placidam  et  suavem  eorum  fruitionem,  quia  in  manu  eius  est  et  arbitrio  noxas  omnes  procul  abigere.  Videntur  tamen  haec  non  satis  inter  se  congruere,  neminem  fore  qui  ipsos  exterreat,  et  superiores  fore  suis  hostibus,  ut  decem  sufficiant  ad  fugandos  centum.  Quorsum  enim  robur  militare  ad  hostes  pellendos,  si  nulli  sint  molesti?  Verum  si  disiunctive  accipere  liceat  posterius  membrum,  nulla  erit  absurditas:  nempe,  si��  contingat  bellum  ipsis  inferri,  feliciter  pugnaturos.  Quanquam  magis  expedita  est  huius  nodi1)  solutio,  quod  illis  paulo  post  necesse  erat  cum  ingenti  hostium  multitudine  confligere,  ut  terram  acquirerent.  Quod  autem  singulare  hoc  tranquillae  et  securae  vitae  bonum  prophetae  accommodant  ad  regnum  Christi,  hinc  colligitur,  promissiones  quae  ex  legis  natura  nullum  haberent  effectum  fidelibus  tamen  esse  utiles:  quia  ubi  eos  Deus  sibi  reconciliavit,  liberaliter  etiam  largitur  quae  meriti  non  sunt:  et  tamen  simul  remuneratur  qualecunque  eorum  obsequium.  9.  Vertam  enim  me  ad  vos.  Vertere  se  dicitur  Deus  ad  populum  cuius  fovendi  et  servandi  curam  suscipit  :  sicuti  rursum,  ubi  deserit  qui  se  ab  eo  alienarunt,  dicitur  ab  illis  esse  aversus.  Hinc  doctrina  trita  apud  prophetas,  Convertimini  ad  me,  et  ego  convertar  ad  vos  :  qua  Deus  admonet,  se  non  frustra  esse  pollicitum  quod  hic  legimus.  Oculi  ergo  Dei  super  iustos,  ut  pactum  suum  erga  eos  stabiliat,  pro  ipsorum  salute  excubando.  Verum  hinc  simul  docemur,  ubi  a  Deo  discedimus,  irritum  nostra  culpa  fieri  eius  foedus  :  quod  Israelitis  exprobrat  Ieremias.  Itaque  ut  firmum  et  efficax  maneat  Dei  foedus,  non  tantum  cordibus  nostris  legem  insculpi  necesse  est,  sed  alteram  quoque  gratiam  accedere,  ut  iniquitatum  non  recordetur.  Ubi  dicit:  Comedetis  vetus  inveteratum,  rursus  abundantiam  commendat:  quia  ut  novis  frugibus  inhiare  cogit  inopia,  sic  magnum  opulentiae  signum  est,  vetustum  triticum  horreo,  et  vinum  ex  cella  promere.  Largitatis  autem  con-  1)  Princeps:  huiusmodi.