15:15  15  EPISTOLAE  1901  .  1903  16  hominum  spe  et  iudicio  solide  pacatum  fuerit,  sed  etiam  rebus  in  optimum  ordinem  compositis  statum  suum  hodie  obtineat.  Huius  quoque  felicitatis  pretium  auget,  quod  inter  istos  bellorum  et  discordiarum  motus,  quibus  concuti  vel  aestuare  videmus  totum  fere  christianum  orbem,  laeta  pace  fruitur.  Tanti  refert  divinitus  terris  praefici  generosos  ac  cordatos  principes,  qui  et  sua  virtute  omnem  vim  iniustam  compescant,  et  legitimam  gubernandi  formam  domi  sua  prudentia  et  aequitate  constituant.  In  utroque  genere  quum  serenissimus  Rex,  Maiestatis  tuae  pater,  excellat,  non  potuit  melius  vel  prudentius  sibi  consulere  Dania,  quam  eum  sibi  asciscendo  Regem  3)  cui  iam  natura  honorem  iusque  regium  contulerat.  Caeterum  ne  exstincta  unius  hominis  vita,  ut  saepe  fieri  solet,  tam  insignis  intercideret  Dei  benedictio,  accessit  fida  diuturnitatis  custos  eius  filii  successio,  qui  ordinem  patris  auspiciis  praeclare  compositum  continuet  ac  stabiliat.  Interdum  quidem  contingit  non  solum  dissimiles  patribus  esse  filios,  sed  ubi  potestatem  sunt  adepti,  vel  pravitate  quadam,  vel  stulta  aemulatione,  vel  aulicis  contentionibus  ac  dissidiis,  in  violandis  paternis  legibus  non  minus  sibi  licentiae  permittere,  quam  si  alienissimos  cupide  incesserent.  Regno  autem  Daniae  hac  in  parte  benigne  prospexit  Deus,  quod  tu  Rex  praestantissimus  ad  heroicum  patris  ingenium  formatus  et  in  castissima  eius  disciplina  educatus,  rationem  de  manu,  quod  aiunt,  in  manum  ab  ipso  traditam  amplexus,  nihil  potius  ducas  quam  eius  vestigiis  insistere.  Quanquam  non  successor  modo  destinatus  es  qui  relictam  a  mortuo  provinciam  suscipias,  sed  etiam  vivo  et  florenti  tum  eius  iudicio  assumptus  tum  Dei  providentia  datus  adiutor,  in  cuius  humeros  pars  oneris  recumbat.  Nec  vero  dubito  quin  hoc  in  praecipuis  Dei  donis,  quibus  splendide  ornatus  est,  merito  numeret  datum  sibi  esse  filium,  non  solum  cuius  fidei  regnum  suum  secure  commendet,  sed  ex  cuius  obsequiis  tum  alios  iam  capiat  uberrimos  fructus,  tum  levationis  aliquid  sentiat.  Quum  hoc  sancto  consensu  nihil  ad  communem  populi  salutem  aptius  fingi  queat,  tuae  quoque  Maiestati  privatim  optabilis  contigit  testandae  pietatis  suae  materia,  quod  sine  invidia  secundas  ab  optimo  Rege  partes  agens,  morigerum  te  illi  et  obsequentem,  ut  par  est,  praebendo  non  minus  pretiosam  apud  omnes  probos  ex  modestia  laudem  refers,  quam  vulgo  dominandi  gloria  censetur.  Iam  vero  latius  quam  ad  regnum  Daniae  patet  huius  boni  fructus,  quod  spirituale  Christi  regnum  altero  vindice  suffultum  altiores  istic  magisque  firmas  radices  aget.  Quod  strenue  et  magnifice  in  3)  Pater  Christianus  UL  a  1542  eum  socium  regni  eligendum  curavit,  puerum  adhuc  octavo  aetatis  anno.  Successit  defuncto  patri  a.  1559.