13:15  15  EPISTOLAE  1052.1054  16  busdam  propter  scripta  sua  edita,  quibus  utinam  Bon  omnia  tam  suspecta  essent.  Certe  videor  mihi  cognovisse  eum,  et  scire  quam  dextre  sentiat  ea  de  re  de  qua  maxima  hactenus  hic  fuit  controversia:  et  hoc  non  consuetudo  tantum  mea  cum  illo  testatur,  sed  quotidianae  literae  quas  ab  illo  accipio,  quibus  liberrime  mutuo  agimus  talia  omnia:  tum  etiam  D.  Bullingerus  eadem  de  ipso  testatur  quae  ego  semper  de  eo  praedicavi.  Alioqui  profecto  neque  ego  ullum  vellem  obtrudere  talem  ecclesiae,  quem  non  integrum  et  sincerum  esse  cognovissem.  Neque  enim  mihi  exigua  ecclesiae  cura  est.  Verum  quum  intelligo  quantum  gravetur  suspicionibus  quorundam,  minus  acriter  insto.  Scio  enim  quanta  sit  ecclesiae  pestis,  si  suspicio  sit  inter  fratres,  et  quam  ipsi  quoque  futurum  esset  molestum,  si  intellexerit  ulla  se  sinistra  teneri  suspicione.  Ego  interim  agam  quod  bona  conscientia  possim  tueri,  agoque  tibi  gratias,  frater,  quod  tam  humaniter  et  pie  suades,  ut  moderatione  utar  christiana  in  consopiendis  hisce  dissidiis.  Certe  video  non  alio  medio  hanc  curari  posse  ecclesiam  in  qua  omnia  miserrime  susque  deque  feruntur.  Annitar  quantum  possum,  quamvis  meis  viribus  longe  imparia  incumbant  onera,  et  incredibile  sit  quanta  sustineam  et  devorem  in  utramque  partem.  Nam  perturbationem  inveni  ecclesiarum  2)  quam  putaverim  me  inventurum.  Sed  faciam  ut  omnes  pii  intellecturi  sint  me  non  dissidium  auxisse,  sed  quantum  in  me  fuit  dissolvisse.  Qua  in  re  et  tuo  et  aliorum  piorum  fratrum  auxilio,  solatio,  suggestione,  consilio  et  opera  opus  habeo,  et  bona  fide  mecum  quidquid  periculosum  fuerit  retinebo.  Video  simultates  nostras  nulla  alia  re  tandem  quam  imminente  persequutione  tolli  posse,  quum  ita  nimium  invicem  exasperati  sint  animi,  ut  nullum  in  plerisque  sanum  maneat  iudicium.  Tollat,  obsecro,  ea  a  nobis  Dominus,  et  det  nobis  spiritum  unitatis  et  concordiae  piae  et  christianae.  Amen.  Commendo  me  et  ecclesiam  nostram  tuis  omniumque  piorum  precibus.  Audio  de  nova  quadam  secta  apud  vos  orta.  Cupio  ea  de  re  plenius  erudiri.  Dominus  sit  tecum  et  benedicat  tibi  perpetuo,  omnibusque  Christum  sinceriter  complectentibus.  Bernae  24.  Iulii  1548.  Tui  studiosissimus  Ioan.  Hallerus.  2)  sic.  Supplendum  fortasse:  maiorem.