11:15  EPISTOLAE  207.208  bis.  At  Satan  illud  urget  ut  quaerant  non  pauci  quod  ad  dissidia  facit  magis  quam  paci  servientia.  Intelligo  istinc  scriptum  fuisse,  huc  missa  fratrum  acta,4)  sicque  per  nos  celata,  ut  ad  alios  non  pervenerint.  Si  missa  fuerunt,  mihi  sane  non  fuerunt  missa:  nam  ex  fructu  actionis  illius  de  quo  agitur,  unam  acerbissimam  cogebar  tunc  devorare,  quum  nihil  magis  ad  mortem  raperet  me  quam  ecclesiarum  per  illum  facta  ruina,  ut  taceam  de  viri  commilitonibus,  et  ut  aliquid  inter  ea  quae  fratrum  sunt  de  meis  immisceam,  iudices  solos  effecisse  ne  triumpharet  actor.  Quis  speret  aliud  cogitare  in  hac  causa  eos  qui  audent  affirmare,  quidquid  ab  aliis  fit  aut  curatur,  quamvis  nemo  minus  resciat  quam  ego,  au  torem  me  esse.  Quum  hac  transiret  Viretus  Berna  rediens,  contuli  nonnulla  quae  scribis  ad  me.  Miratur  praetexere  Carolum  quod  desideret  aliquid  in  doctrina,  et  quod  abrogata  a  nobis  non  sic  essent  abroganda,  quum  secus  loquutus  fuisset  Agathopoli:  quod  Viretus  tum  tibi  tum  aliis  indicasse  affirmabat,  dum  essetis  Basileae,  adeo  ut  tam  possetis  omnia  tenere  quam  qui  aderant.  Per  ea  quae  varia  accurrunt  ac  literas  Grynaei,  quibus  puto  fratres  admonitos  ut  de  omnibus  tractarent  cum  homine,  iudico  non  venisse  in  mentem  audita  de  actione  Agath[opolitana]  .  .  .  .5)  quaecunque  ipse  vellem  tantum  efficere  ut  fratres  incumberent  lucrifaciendo  Carolo,  ut  victus  officiis  fratrum  se  tur:  nam  sic  volebam,  ut  toties  indicavi,  officiose  praestari  omnia  quae  possunt  sine  iactura  ecclesiae  [disciplinae  eversione.  Non  attigeram  acta  inter  nos  in  quibus  nihil  concludebatur,  sed  spes  affulgebat  omnia  certe  componenda  tandem.  Satis  fuit  intelligere  per  alium  vos  accepisse  quae  oportebat,  ne  quid  fieret  nisi  ut  decet.  Non  intellectam  dicis  nostram  commendationem  tantum  civilem  fuisse,  sicut  nec  civiliter  unquam  proposuimus  commendare,  sed  ex  animo  et  in  Domino,  nec  aliter  quam  vellemus  nobiscum  agi.  Tamen  de  ministerio  neque  cum  illo  nec  cum  aliquo  mentionem  unquam  fecimus.  Reputo  posse  aliquem  nobis  commendatum  censeri  valde,  cui  nos  studentes  officiis  adesse  non  praefecimus  eum  nec  praeficiendum  iudicavimus  ministerio  :  quumque  queraris  de  solenni  illa  poenitentia,  qua  nunc  vix  emergentes  carent  ecclesiae,  quod  uti  non  licuit,  non  te  fugit  plerisque  conclusum  fuisse,  poenitentem  in  numerum  ministrorum  non  admittendum,  et  eos  qui  defecerant  a  clero  tarde  admissos  in  communionem  plebis,  sed  tardissime  restitutos  in  numerum  ministrorum.  Quum  ea  quae  difficile  introduci  nunc  possunt,  ob  male  cohaerentes  ac  sic  varie  in  hac  re  affectos  fratres  symmystas,  fieri  non  potuerunt,  praetermissa  sunt  4)  Acta  AgatHopolitana  (N.  205)  nuper  tandem  edita.  5)  charta  deficit  hic  et  infra.