9:149  149  AD  WESTPHALUM.  150  Sed  quid  verbis  opus  est?  Si  omni  molestia  semel  defungi  optat  Ioachimus,  et  controversiam  dirimere,  verbulum  pro  se  eliciat  ex  eius  ore  ad  quem  liber  patet  accessus,  et  quidem  itinere  non  tam  laborioso,  cuius  consensum  magnifice  obtendit,  quocum  familiaris  ei  communicatio  esse  potest.  Ego  si  temere  comperiar  Philippi  nomine  abusus,  nullas  ignominiae  notas  recuso.  Testimonia  quae  citat  Westphalus  non  meum  est  refellere:  neque  etiam  moror,  quid  inter  primos  conflictus,  et  causa  nondum  clare  et  dilucide  explicata,  homini  ad  negandum  nimis  tunc  verecundo  quorundam  instigatio  extorserit.  Et  lex  nimis  dura  praescribitur  literatis  hominibus,  si  post  editum  ingenii  ac  doctrinae  specimen,  tota  deinde  vita  nihil  proficere  liceat.  Certe  si  quis  annos  quadraginta  Philippo  nihil  attulisse  dicat,  magnam  et  homini  privatim,  et  toti  simul  ecclesiae  [pag.  25]  iniuriam  faciet.  Solum  quod  dixi,  et  quidem  centies  si  opus  sit,  confirmo,  non  magis  a  me  Philippum  quam  a  propriis  visceribus  in  hac  causa  posse  divelli.  Etsi  autem  tonitru  quod  a  violentis  nominibus  instabat  metuens  (quid  dicam  intelligunt,  quibus  nota  fuerunt  Lutheri  flabella)  non  tam  aperte  semper  quam  optassem,  sententiam  suam  protulit:  non  est  tamen  quod  Westphalus,  aliud  se  agere  simulans,  oblique  eum  perstringat,  quasi  mortuo  demum  Luthero  inceperit  ad  nos  deflectere.  Nam  quum  ante  annos  septemdecim  de  hoc  capite  doctrinae  inter  nos  contulerimus,  primo  congressu  nunquam  syllaba  commutanda  fuit.  Neque  de  Gaspare  Crucigero  tacendum  est,  qui  pro  ingenii  sui  doctrinaeque  praestantia  Luthero  carissimus,  ut  post  Philippum  reliquos  anteiret,  sic  amplexus  est  quod  hodie  impugnat  Westphalus,  ut  sententiis  nostris  coniunctius  nihil  fingi  posset.  Caeterum  de  Philippo  si  adhuc  [pag.  26]  ambigitur,  an  non  satis  manum  conserere  videor?  ubi  et  tacitus  et  securus  eius  vocem  exspecto,  quae  eius  improbitatem,  qui  venerandum  praestantissimi  viri  nomen  falso  obtenderit,  omnibus  patefaciat.  Venio  ad  Augustinum,  quem  etsi  totum  esse  nostrum  omnes  libri  clamitant,  Westphalus  nobis  eripere  non  contentus,  adversarium  quoque  obtrudere,  sibique  vendicare  non  dubitat:  eadem  nempe  audacia,  qua  ubique  lucem  convertit  in  tenebras.  Qualis  sit  nunc  Iacobus  Bordingus,  *)  cui  farraginem  suam  nuncupat,  ignoro.  Certe  nisi  valde  ingenium  mutavit,  officium  plenum  dedecoris  sibi  mallet  non  esse  praestitum.  Nam  quo  tempore  mihi  notus  fuit,  non  minus  ingenuo  pudore,  quam  doctrina  erat  commendabilis.  Nunc  vero  tantum  quid  epistola  con-  1)  Maistre  Iaques  Bourding  in  gallico  exemplari  dictus,  fuit  professor  medicina?  in  academia  Eostochiensi.