7:149  149  PREFACE.  [page  3]  Ce  n'est  pas  sans  cause  que  sainct  Paul  dit,  qu'il  faut  qu'il  y  ait  des  sectes,  a  fin  que  les  vrays  Chrestiens  par  ce  moyen  soyent  manifestez.  Car  s'il  advient  quelque  trouble  en  la  Chrestiente,  ou  qu'il  se  leve  quelque  faulse  doctrine,  c'est  une  occasion  pour  descouvrir  comment  et  de  quelle  affection  chacun  de  ceux1)  qui  se  nomment  Chrestiens  a  receu  la  parolle  de  Dieu  (1  Cor.  l  l  ,  19).  D'autant  sque  les  uns  perseverans  alors  constamment  en  la  verite  qui  nous  y  est  declairee,  monstrent  par  experience2)  qu'elle  a  prins  vive  racine  en  leurs  cueurs:  les  autres  se  laissans  avsement  seduire  et  transporter  ca  et  la,  comme  a  tous  vens,  monstrent  par  leur  inconstance,  que  iamais  ilz  ne  Tont  prinse  que  a  la  volee.  Ie  ne  deduiray  point  ce  propos  [page  4]  plus  au  long  pour  ceste  heure:  mais  prendray  seulement  pour  exemple  ce  que  nous  voyons  a  l'oeil.  Depuis  vingt  ans  en  ca  le  diable,  a  fin  d'esteindre  ou  suffoquer  la  saincte  doctrine  de  l'Evangile,  laquelle  il  veoit  revenir  au  dessus,  ou  bien  pour  la  diffamer  et  rendre  odieuse  au  monde,  a  suscite  plusieurs  diverses  heresies  et  opinions  meschantes.  Beaucoup  de  gens  qui  avoyent  este  au  paravant  fidelement  enseignez  en  la  pure  doctrine  de  l'Escriture,  ont  este  incontinent  transportez.  3)  Les  autres,  se  disposans  de  resister  avec  une  ferme  constance  a  tous  ces  scandales,  ont  este  d'autant  plus  fortifiez  en  Dieu  et  en  sa  parolle.  Nostre  Seigneur,  comme  i'ay  dit,  permet  et  dispose  que  cela  advienne,  tant  pour  l'approbation  des  siens,  que  pour  manifester  [page  5]  l'hypocrisie  ou  la  vanite  de  ceux  qui  faisoyent  profession  d'estre  fideles,  devant  que  la  matiere  s'offrist  de  donner  a  congnoistre  par  effect4)  leur  incredulite.  Il  est  vray  qu'il  s'en  trouve  aucuns,  qui  sont  surpris  par  1)  multorum  animus.  2)  re  ipsa.  3)  abrepti  et  alienati.  4)  par  effect,  manque  dans  la  traduction.