58:149  149  DE  IACOB  ET  ESAU.  150  un  povre  aveugle,  tant  y  a  que  ie  sen  bien  en  moy  qu'il  y  a  de  la  faute,  et  ne  me  puis  mentir  a  moymesme:  et  cependant  Dieu  sera-il  trompe?  Quand  i'auray  bien  dissimule,  n'y  verra-il  goutte  pourtant?  Et  ainsi,  il  n'y  a  autre  moyen  d'estre  absous  devant  Dieu,  sinon  que  ie  me  condamne.  Voila  di-ie,  comme  nous  devons  pratiquer  ceste  doctrine,  et  l'appliquer  a  nostre  usage.  Et  en  bref,  toutesfois  et  quantes  que  nous  avons  offense,  notons  que  la  repentance  emporte  confession,  non  point  d'aller  souffler  en  l'aureille  d'un  prestre,  comme  on  fait  a  la  Papaute:  mais  confession  pour  donner  gloire  a  Dieu,  et  aussi  pour  reparer  l'offense  qui  a  este  commise  envers  nos  prochains.  Et  pourtant,  ceux  qui  ont  fait  quelque  tort  et  quelque  outrage  a  autrui,  il  faut  qu'ils  taschent  de  le  reparer  en  s'humiiiant:  et  quoy  qu'il  en  soit,  qu'ils  n'aient  point  de  honte  de  dire,  Ie  vous  ay  offense,  pardonnez-  moy.  Car  voila  aussi  comme  nous  obtiendrons  grace  et  remission  devant  Dieu,  et  comme  les  iniures  que  nous  aurons  faites  a  nos  prochains,  ne  crieront  point  vengeance:  car  il  est  certain,  qu'encores  que  ceux  ausquels  nous  aurons  fait  tort  se  teussent,  et  qu'ils  n'y  pensassent  plus,  que  le  mal  cependant  sera  enregistre  devant  Dieu,  et  qu'il  criera  plus  haut  que  si  tous  les  hommes  estoient  armez  a  l'encontre  de  nous,  et  que  chacun  s'y  opposast.  Ainsi  donc  afin  que  la  memoire  de  nos  fautes  soit  effacee  devant  Dieu,  et  qu'il  n'y  ait  point  de  cri  qui  nous  adiourne,  pour  faire  raison  des  offenses  que  nous  aurons  commises,  que  nous  apprenions  d'appointer  tellement  toutes  querelles,  que  chacun  previene,  s'humiiiant  en  une  droite  et  pure  confession.  C'est  ce  que  nous  avons  a  retenir  sur  ce  poinct.  Or  d'autre  coste,  nous  voions  (comme  i'ay  desia  touche)  qu'Isaac  n'a  point  eu  un  coeur  enfle  (comme  on  dit)  ne  qui  nourrist  quelque  rancune  a  l'encontre  de  ceux  qui  lui  avoient  este  ennemis:  car  il  ne  les  poursuit  point.  Il  a  bien  une  raison  speciale  envers  Abimelech  et  sa  suite:  car  (comme  dit  S.  Paul)  ceux  qui  ne  sont  point  du  troupeau  et  du  corps  de  l'Eglise,  nous  ne  pouvons  pas  les  iuger,  pour  les  amener  a  repentance,  comme  ceux  qui  font  profession  de  Chrestiente,  lesquels  doivent  quant  et  quant  recevoir  admonition  de  leurs  fautes  Car  c'est  l'ordre  que  Dieu  a  mis  entre  tous  les  siens,  Que  nous  soions  suiets  a  recevoir  correction  et  de  grans  et  de  petits.  Ainsi,  il  y  a  comme  une  iurisdiction  mutuelle,  sans  glaive  et  sans  autorite,  si  nous  faisons  nostre  devoir.  Car  chacun  ayant  la  Parole  de  Dieu  en  la  bouche,  est  comme  iuge,  pour  remonstrer  a  ses  prochains  les  fautes  qu'ils  auront  commises.  Il  aura  este  iuge  en  un  endroit,  et  il  souffrira  aussi  d'estre  iuge  en  l'autre.  Voila  donc  comme  nous  iugerons  des  domestiques,  dit  saint  Paul:  c'est  a  dire  de  ceux  qui  sont  de  nostre  corps  et  de  la  religion  des  fideles