52:149  149  CAPUT  IL  150  9.  Memoria  enim  tenetis,  fratres,  laborem  nostrum  et  sudorem.  Nam  die  ac  nocte  opus  facientes,  ne  gravaremus  quemquam  vestrum,  praedicavimus  apud  vos  evangelium  Dei  10.  Vos  testes  estis  et  Deus,  ut  sancte,  et  iuste,  et  sine  querela  vobis,  qui  creditis,  fuerimus,  ll.  Quemadmodum  nostis,  ut  unumquemque  vestrum,  quasi  pater  suos  liberos,  12.  exhortati  simus,  et  monuerimus,  et  obtestati  simus,  ut  ambularetis  digne  Deo,  qui  vocavit  vos  in  suum  regnum  et  gloriam.  9.  Memoria  enim.  Haec  ad  superiorum  probationem  pertinent,  quod  sibi  non  pepercerit  ut  illis  parceret.  Certe  miro  et  plus  quam  humano  zelo  fervere  ipsum  oportuit,  dum  una  cum  docendi  labore  artes  etiam  manuarias  tractat,  victus  quaerendi  causa.  Atque  in  hac  etiam  parte  iure  suo  abstinuit.  Lex  enim  Christi  est,  quemadmodum  alibi  idem  docet,  ut  unaquaeque  ecclesia  ministris  suis  victum  et  reliqua  necessaria  suppeditet.  Paulus  ergo,  quum  nullum  Thessalonicensibus  onus  imponit,  plus  quiddam  praestat  quam  ex  officii  necessitate  exigi  ab  eo  posset.  Adde  quod  non  tantum  sumptibus  publicis  parcit,  sed  neminem  privatim  gravat.  Porro  non  dubium  est  quin  recta  aliqua  et  speciali  causa  ad  hanc  iuris  sui  abstinentiam  adductus  fuerit:  nam  in  aliis  ecclesiis  concessa  sibi  libertate  usus  est,  quemadmodum  reliqui.  A  Corinthiis  nihil  accepit,  ne  pseudoapostolis  ansam  in  hac  parte  gloriandi  praeberet.  Interea  non  dubitavit  ab  aliis  ecclesiis  petere  quod  opus  erat:  scribit  enim,  dum  gratuitam  operam  impendit  Corinthiis,  se  ecclesias,  quibus  non  serviebat,  praedatum  esse  (2.  Cor.  l  l  ,  8).  Ergo  utcunque  non  exprimatur  hic  ratio,  coniicere  tamen  licet,  ideo  Paulum  noluisse  necessaria  sibi  ministrari,  ne  ea  res  impedimentum  evangelio  adferret.  Nam  et  hoc  bonis  pastoribus  semper  curae  esse  debet,  non  tantum  ut  strenue  in  ministerio  suo  currant,  sed  ut  omnes  cursus  sui  remoras  tollant  quantum  in  se  est.  10.  Vos  testes  estis.  Iterum  Dei  et  eorum  testimonio  ad  suam  integritatem  asserendam  utitur:  ac  Deum  quidem  conscientiae,  illos  vero  rei  compertae  testes  facit.  Ut  s  a  n  c  t  e  ,  inquit,  et  i  u  s  t  e  ,  id  est,  quam  sincero  Dei  timore  et  quanta  fide  atque  innocentia  erga  homines:  tertio,  et  sine  quer  e  l  a  :  quo  significat  se  nullis  dedisse  conquerendi  vel  obloquendi  causam.  Calumnias  enim  et  sinistros  rumores  vitare  nequeunt  Christi  servi:  nam  quum  mundo  exosi  sint,  apud  improbos  male  audire  necesse  est.  Ideo  hoc  ad  credentes  restringit  qui  recte  et  sincere  iudicant,  non  autem  maligne  obtrectant  absque  causa.  11.  Unumquemque  quasi  pater.  In  iis  maxime  insistit  quae  sunt  officii  sui  propria.  Comparavit  se  nutrici,  nunc  patri  se  comparat.  Hoc  autem  vult,  se  non  aliter  de  ipsis  fuisse  sollicitum,  quam