51:149  149  CAPUT  I.  150  tandus  est.  Nondum  tunc  eramus:  ergo  nullum  exstabat  nostrum  meritum.  Non  igitur  a  nobis,  sed  a  solo  Deo  profecta  est  salutis  nostrae  causa.  Paulus  tamen  nondum  his  contentus,  addit  in  se  ipso.  Est  quidem  graece  eJc  aoxov:  sed  perinde  valet  atque  ev  aox(j).  Quo  significat,  Deum  non  quaesiisse  extra  se  ipsum  causam:  sed  quia  ita  voluerit,  nos  praedestinasse.  Verum  darius  etiamnum  quod  mox  sequitur,  secundum  beneplacitum  voluntatis.  Sufficiebat  voluntas:  solet  enim  eam  Paulus  externis  omnibus  causis  opponere,  quibus  Deum  provocari  vulgo  existimant.  Sed  ne  quid  ambiguitatis  maneret,  opposuit  beneplacitum:  quod  nomen  omnia  merita  diserte  excludit.  Ergo  Dominus  nos  adoptando,  non  respicit  quales  simus,  nec  conciliatur  nobis  ulla  personae  nostrae  dignitate:  sed  una  illi  causa  est  beneplacitum  aeternum,  quo  nos  praedestinavit.  Quomodo  sophistas  non  pudet  alios  respectus  miscere,  quum  Paulus  tam  diligenter  prohibeat  aliud  quam  solum  Dei  beneplacitum  intueri?  Tandem  ne  quid  deesset,  addidit  verbum  exocptxwaev  ev  y&pixi*  Quo  significat,  gratuito  non  mercenario  amore  Deum  nos  complecti  nunc  et  habere  acceptos:  sicuti  nondum  natos,  aliunde  quam  a  se  ipso  non  provocatus,  elegit.  Causam  tamen  materialem  tam  electionis  aeternae  quam  nunc  patefacti  amoris  ponit  Christum,  quem  dilectum  nominat:  ut  sciamus  Dei  amorem  m  nos  ab  illo  diffundi.  Proinde  ideo  dilectus  est  ut  nos  reconciliet.  Summum  et  ultimum  finem  mox  adiungit,  gloriosam  laudem  eius  tantae  gratiae.  Quisquis  ergo  hanc  gloriam  obscurat,  aeternum  Dei  consilium  evertere  nititur.  Talis  est  sophistarum  doctrina,  quae  omnia  sursum  deorsum  versat,  ne  uni  Deo  in  solidum  tota  salutis  nostrae  gloria  tribuatur.  7.  In  quo  habemus  redemptionem  per  sanguinem  eius,  remissionem  peccatorum^  secundum  divitias  gratiae  eiuS)  8.  qua  exundavit  in  nos  in  omni  sapientia  et  prudentia:  9.  patefacto  nobis  arcano  voluntatis  suae,  secundum  beneplacitum  suum,  quod  in  se  ipso  proposuerat  10.  in  dispensationem  plenitudinis  temporum  :  ut  recolligeret  omnia  in  Christo,  tam  quae  in  coelis  sunt,  quam  quae  super  terram  in  ipso.  l  l  .  Per  quem  etiam  in  sortem  adsciti  sumus,  praedestinati  secundum  propositum  eius,  qui  omnia  efficit  secundum  consilium  voluntatis  suae:  12.  ut  simus  in  laudem  gloriae  ipsius,  nos  qui  ante  speravimus  in  Christo.  7.  In  quo  habemus.  Hoc  ad  causam  materialem  adhuc  pertinet.  Nam  exponit  qualiter  Deo  reconciliati  fuerimus  per  Christum:  nempe  quia  morte  sua  patrem  nobis  placavit.  Ergo  semper  ad  Christi  sanguinem  convertere  animos  oportet,  dum  in  eo  gratiam  quaerimus.  Dicit  autem,  sanguine  Christi  redemptionem  nobis  esse  partam,  quam  remissionem