50:149  149  CAPUT  XIII.  150  tus  per  me  loquatur.  Atque  ita  exponunt  Chrysostomus  et  Ambrosius.  Mihi  tamen  magis  placet  ita  accipi,  ut  testificetur,  non  tam  de  se  haberi  quaestionem,  quam  de  Christo  ipso,  quum  autoritati  suae  derogatur:  tentari  Christi  patientiam,  quum  spernuntur  suae  admonitiones.  Ac  si  diceret:  Christus  est  qui  per  me  loquitur:  quum  ergo  meam  doctrinam  revocatis  ad  vestrum  examen,  non  tam  mihi  quam  illi  facitis  iniuriam.  Sed  obiiciet  quispiam:  Quid?  ergone  simulac  quisque  iactaverit  Christum  se  habere  autorem,  eximetur  ab  omni  probatione  eius  doctrina?  et  quis  pseudopropheta  hoc  non  iactabit?  quod  igitur  erit  discrimen  veri  et  falsi?  et  ubi  tunc  erit  illud:  Probate  spiritus,  numquid  ex  Deo  sint?  Omnes  eiusmodi  obiectiones  anticipat  Paulus,  quum  Christum  dicit  fuisse  efficacem  in  illis  per  suum  ministerium.  Coniunctim  enim  haec  legenda  sunt:  Christi  in  me  loquentis:  et,  qui  in  vobis  potens  est,  non  infirmus,  hoc  sensu  :  Christus  suam  erga  vos  potentiam  exserendo  in  mea  doctrina,  se  per  os  meum  loqui  testatus  est:  ut  ignorantiae  nulla  vobis  sit  excusatio.  Videmus  ut  non  iactet  verbis  tantum,  sed  re  ipsa  probet  Christum  in  se  loqui:  et  Corinthios  prius  convincat  quam  ab  illis  fidem  sibi  haberi  postulet.  Quisquis  ergo  loquetur  in  ecclesia,  qualicunque  se  titulo  venditet,  licebit  de  eius  doctrina  inquirere,  donec  se  in  ea  patefecerit  Christus.  Neque  ita  de  Christo,  sed  de  homine  iudicium  fiet.  Sed  ubi  constat  Dei  verbum  esse  quod  profertur:  valet  hoc  quod  dicit  Paulus,  fidem  ipsi  Deo  abrogari.  Eadem  fiducia  dicebat  Moses:  Quid  sumus  ego  aut  Aaron?  vos  Deum  tentatis.  Similiter  Iesaias  (7,  13):  An  parum  est  vobis  quod  molesti  estis  hominibus,  nisi  etiam  molesti  sitis  Deo  meo?  Neque  enim  amplius  restat  tergiversationi  locus,  hoc  patefacto:  ministrum  esse  Dei  qui  loquitur,  et  fideliter  officium  facere.  Redeo  ad  Paulum.  Quum  tanta  fuisset  ministerii  eius  approbatio  apud  Corinthios,  in  quo  Dominus  se  palam  demonstraverat:  non  mirum  si  tam  indigne  ferat  sibi  resisti.  Iure  quidem  suo  exprobrare  illis  potuit  quod  exprobrat:  rebelles  scilicet  esse  Christo.  4.  Nam  quamvis  crucifixus  fuit  Data  opera  de  abiectione  Christi  loquutus  est,  ut  subindicaret  non  aliud  in  se  despici  quam  quod  in  ipso  etiam  Christo  despicere  promptum  esset,  quum  exinanitus  fuerit  usque  ad  mortem  crucis.  Verum  simul  ostendit  quam  absurdum  sit  crucis  humilitatem  in  Christo  despicere,  quae  coniuncta  sit  cum  incomparabili  resurrectionis  gloria.  Ac  si  diceret:  An  ideo  minoris  aestimabitur  a  vobis  Christus,  quod  infirmitatem  morte  sua  prae  se  tulerit?  quasi  vero  coelestis  eius  vita,  qua  post  resurrectionem  vivit,  divinae  eius  virtutis  non  sit  luculentum  specimen.  Nam  sicut  caro  hic  humanam  Christi  naturam  significat  :  ita  nomen  Dei  pro  eius  divinitate  capitur.  Verum  hic  exo-