44:149  149  CAPUT  I.  150  constantem  in  suo  proposito.  Nunc  ergo  tenemus  quid  velit  propheta.  Ego  pluribus  in  hae  re  non  insisto.  Quia  satis  est  tenere  principium  illud,  pendere  ex  aeterna  electione  Dei  quidquid  beneficiorum  consert  in  SUOS:  hunc  fontem  perpetuum  esse:  interea  electionem  transferri  xaiaxpyjcmxwc  ad  signa  vel  effectus,  quemadmodum  etiam  et  reiectio  eodem  sensu  accipitur  pro  externis  poenis,  quae  videntur  primo  intuitu  esse  reiectionis  signa,  utcunque  tamen  non  sint.  Nunc  pergamus:  18.  Et  sustuli  oculos  meos,  et  vidi:  et  ecce  quatuor  cornua.  19.  Et  dixi  ad  angelum  qui  loquebatur  mecum.  Qui  isti?  (hoc  est,  qui  sunt  isti?)  et  dixit  ad  me,  Haec  sunt  cornua  quae  ventilarunt  Iehudah,  Israel,  et  Ierusalem.  (Ego  coniungam  etiam  proximos  versus.)  20.  Et  ostendit  mihi  Iehova  quatuor  fabros.  21.  Et  dixi,  Our  isti?  quid  isti  veniunt  ad  faciendum  ?  (ad  verbum  hoc  est,  quorsum  isti  veniunt,  ut  faciant?)  et  dixit  dicendo,  Haec  sunt  cornua  quae  ventilarunt  Iehudah,  ita  ut  nemo  tolleret  caput  suum:  et  veniunt  isti  (fabri  scilicet)  ad  terrendum  (addo,  cornua,  quoniam  relativum  DniX  obscurum  per  se  esset),  ut  proiiciant  cornua  gentium,  quae  sustulerunt  cornu  contra  terram  Iehudah,  ut  ventitarent  eam.  Iam  sequitur  alia  visio,  qua  rursus  confirmat  Deus  quod  ante  testatus  fuerat  prophetae  suo.  Dicit  igitur,  quamvis  undique  consurgant  hostes  contra  ecclesiam,  ut  multas  molestias  exhibeant,  tamen  in  manu  Dei  esse  remedium,  quia  conteret  omnia  cornua  suis  malleis.  Comparat  gentes,  quae  infestae  fuerant  Iudaeis,  cornibus:  postea  comparat  fabris  alios  hostes,  quorum  manu  et  opera  utetur  Deus  ad  frangendos  conatus  eorum  omnium,  qui  molesti  erunt  ecclesiae.  Haec  igitur  summa  est,  quamvis  ecclesia  non  sit  immunis  vel  libera  a  multis  molestiis,  tamen  Deum  etiam  in  manu  habere  remedia,  quibus  coerceat  omnes  insultus  improborum,  quamvis  impetuose  et  violenter  ferantur  contra  miseram  ecclesiam.  Sed  primo  loco  videndum  est  cur  nominet  propheta  cornua  quatuor.  Iudaei  referant  hoc  ad  Assyrios  et  Babylonios,  et  deinde  ad  Persas,  tertio  ad  Graecos:  tandem  ad  Romanos:  quia  aliis  locis  videbimus,  et  Daniel  etiam  satis  luculente  docet  fuisse  quatuor  illas  praecipuas  monarchias,  in  quibus  protulit  Deus  sua  iudicia  claris  et  memoratu  dignis  exemplis.  Sed  non  dubito  quin  propheta  hic  tam  de  Moabitis  et  Syriis,  et  aliis  gentibus  loquatur,  quam  de  Assyriis  vel  Chaldaeis.  Falluntur  ergo  mea  opinione  qui  putant  hic  notari  quatuor  illas  monarchias:  sed  potius  quatuor  cornua  fuisse  dicit  Zacharias,  quae  ex  singulis  mundi  plagis  exorta  sunt.  Scimus  autem  non  ab  una  tantum  parte  fuisse  Iudaeos  vexatos,  sed  ab  oriente  et  occasu,  a  septentrione  et  meridie.  Quum  igitur  undique