42:149  149  SUR  LE  XII.  CHAP.  DE  DANIEL.  150  fois  en  cette  gloire  celeste,  en  laquelle  nostre  Seigneur  Iesus  Christ  nous  ha  precedes.  Que  non  seulement  il  nous  face  cette  grace,  etc.  SERMON  XLVI  sur  le  Chap.  XII.  T.  5.7.  Nous  avons  ici  a  considerer  (en  premier  lieu)  comment  Dieu  ha  voulu  magnifier  la  revelation  qui  avoit  este  donnee  par  l'ange  a  Daniel,  car  voici  bien  matiere  de  connoistre  que  c'est  une  sagesse  admirable,  quand  il  faut  que  les  anges  mesmes  de  paradis  s'enquierent  que  cela  veut  dire:  quant  a  nous,  il  est  vray  que  nous  sommes  pauvres  creatures  qui  ne  faisons  que  remper  ici  bas,  mais  quand  les  esprits  celestes  qui  contemplent  la  gloire  de  Dieu  sont  escoliers  pour  comprendre  et  connoistre,  ce  qui  leur  est  cache,  que  nous  concluons  que  c'est  une  sagesse  admirable,  voire  telle  que  nous  ne  pouvons  sinon  estre  ravis  en  admiration:  d'autant  plus  devons  nous  estre  attentifs  a  cette  doctrine.  Et  au  reste  connoissons  quand  ici  les  anges  s'enquierent  de  ce  qui  ha  este  declare  au  prophete  Daniel,  que  c'est  pour  monstrer  la  sollicitude  qu'ils  ont  de  l'Eglise,  comme  nous  avons  traitte  par  ci  devant,  qu'ils  sont  esprits  ordonnes  pour  le  salut  de  ceux  que  Dieu  ha  choisis.  Ainsi  donc  ne  trouvons  point  estrange  que  l'ange  qui  ha  parle  a  Daniel,  voire  l'ange  qui  estoit  ordonne  a  cela,  avec  les  autres  anges  s'enquierent  plus  outre,  et  cependant  nous  voions  aussi  comme  la  grace  de  Dieu,  telle  qu'il  Fa  desploiee  et  desploie  iournellement  en  son  Eglise,  merite  d'estre  exaltee.  Voila  sainct  Paul  qui  dit  que  quand  Dieu  ha  appele  les  paiens,  et  qu'il  ha  espandu  sa  grace  par  tout  ie  monde  en  nostre  Seigneur  Iesus  Christ,  qu'il  ha  fait  une  chose  si  merveilleuse,  que  les  anges  mesmes  en  sont  estonnes,  autant  en  peut  on  dire  du  reste,  que  Dieu  gouverne  son  Eglise  d'une  telle  facon,  qu'il  faut  que  les  anges  mesmes  en  soient  esbahis.  Or  que  sera  ce  de  nous?  mais  quoy?  nous  voions  ceci,  que  les  hommes  sont  stupides  et  brutaux,  qu'ils  passent  les  oeuvres  de  Dieu,  qui  sont  si  nobles  et  si  excellentes,  ils  n'y  voient  goutte,  et  mesmes  ils  ferment  les  yeux,  a  fin  de  n'en  rien  voir,  tant  y  ha  que  nous  ne  devons  point  passer  cette  doctrine,  sans  bien  noter  ce  qu'elle  veut  dire,  et  que  nous  apprenions  doresnavant  d'appliquer  mieux  nostre  estude  a  considerer  la  bonte  inestimable  de  nostre  Dieu,  telle  qu'il  la  declare  envers  nous,  pour  regir  son  Eglise  d'une  facon  si  amiable:  que  cela  donc  nous  incite  a  magnifier  le  nom  de  Dieu,  et  luy  rendre  telles  graces  comme  il  le  merite.  Voila  donc  ce  que  nous