27:149  149  SUR  LE  DEUTER.  CHAP.  XII.  150  rigueur  de  la  Loy:  que  quand  auiourd'huy  Dieu  nous  enseigne  sa  volonte,  qu'il  nous  monstre  comme  il  nous  faut  cheminer,  qu'il  nous  propose  ses  promesses,  qu'il  nous  annonce  ses  menaces  quant  et  quant:  combien  que  nostre  vie  soit  imparfaite,  il  ne  laissera  pas  de  nous  accepter,  moyennant  que  nous  ayons  nostre  recours  a  celuy  qui  a  supplee  a  nostre  deffaut.  Car  nostre  Seigneur  Iesus  par  le  sacrifice  de  sa  mort  a  fait  une  telle  satisfaction,  que  Dieu  l'accepte  en  payement  pour  couvrir  toutes  nos  fautes.  Venons  donc  la,  et  nous  y  venons  tellement  plonger,  que  nous  soyons  lavez,  et  nettoyez  de  toutes  nos  maeules.  Ce  qui  sera,  moyennant  que  nous  apprenions  de  cheminer  en  humilite  et  crainte  devant  nostre  Dieu,  n'abusans  point  de  sa  bonte,  et  patience:  car  c'est  le  moyen  par  lequel  nous  serons  acceptez  de  luy,  que  ses  maledictions  seront  destournees  de  nos  testes,  et  que  sa  grace  et  benediction,  apres  qu'il  nous  l'aura  une  fois  declaree,  s'augmentera  tellement,  qu'elle  croistra  tousiours  en  nous,  iusques  a  ce  qu'elle  soit  accomplie  du  tout.  LE  PREMIER  SERMON  SUR  LE  CHAP.  XII.  V.  1.5.  DU  SAMEDI  28E  DE  SEPTEMBRE  1555.  Ce  que  Moyse  exhorte  ici  derechef  le  peuple  a  observer  les  ordonnances  et  statuts  de  la  Loy,  pour  les  faire:  en  cela  il  nous  monstre  que  si  nous  ne  sommes  bien  attentifs  a  suyvre  la  volonte  de  Dieu,  qu'incontinent  nous  serons  desbauchez  ou  ca,  ou  la.  Car  il  nous  advient  de  commettre  beaucoup  de  fautes  par  inadvertance,  il  ne  faut  que  tourner  la  main,  et  nous  serons  trebuschez,  d'autant  que  le  diable  nous  seduit  aisement,  et  nous  n'avons  pas  grande  raison  et  prudence  en  nous,  nostre  esprit  est  plein  de  vanite,  et  par  consequent  il  est  volage:  et  pourtant  si  nous  ne  sommes  bien  diligens  a  obeir  a  nostre  Dieu,  iamais  nous  n'observerons  deument  sa  Loy.  Advisons  donc  d'appliquer  songneusement  nostre  estude  a  reigler  nostre  vie.  Car  si  nous  n'y  pensons  de  pres,  que  nous  n'ayons  une  grande  solicitude  a  cela:  nous  ne  cesserons  de  faillir  en  une  sorte  ou  en  l'autre.  Voila  donc  ce  que  nous  avons  a  retenir,  quand  Moyse  non  seulement  declaire  que  nous  devons  mettre  en  execution  les  commandemens  de  Dieu,  mais  qu'il  nous  les  faut  garder  pour  les  faire.  Comme  s'il  disoit,  que  si  chacun  ne  se  tient  serre,  si  chacun  n'est  bien  esveille  pour  s'employer  a  son  devoir,  et  que  chacun  ne  se  solicite,  que  nous  serons  tantost  escoulez,  et  qu'il  n'y  aura  nulle  fermete  en  nous:  et  encores