20:149  149  1563  SEPTEMB.  i  50  tantum  christianis  sed  etiam  papisticis,  qui  Eutychianum  illud  dogma  non  sit  exsecraturus.  Tantum  metuendum  est  a  quibusdam  aulicis,  qui  fortassis  hanc  occasionem  arripient  ut  puerum  regem  in  nos  quasi  omnibus  exsecrabiles  incitent,  et  a  circulatoribus  quibusdam  monachis,  qui  quoniam  a  veris  pastoribus  arcentur  passim  iam  obambulant,  ut  in  tanta  pastorum  raritate  in  gregem  Domini  invadant.  Sed  tamen  omnino  spero  istos  quoque  Satanae  conatus  irritos  fore,  et  sedulo  vigilabimus  ne  quid  per  negligentiam  peccetur.  Caeterum  quae  nunc  nobis  ex  Gallia  nunciantur  haec  sunt:  Aiunt  omnino  fore  ut  edictum  obtineat.  Rhotomagi  sancita  est  regis  pubertas.7)  Inde  igitur  rex,  iam  suo  iure  utens,  Lutetiam  extremo  mense  proficiscebatur,  cum  peditum  decem  millibus  et  equitum  circiter  duobus:  ubi  speramus  fore  ut  omnia  componat,  et  inde  fertur  regnum  cum  copiis  peragraturus.  Sed  puer  est,  dices.  Fateor,  quam  multa  sint  metuenda  video.  Sed  in  summa  quamvis  etiam  tyrannidem  puto  tolerata  iiorem  avaq^ia.  Dominus  providebit.  Magna  adhuc  multis  locis  confusio.  Varii  rumores  de  perniciosissima  coniuratione  feruntur.  Bellum  inter  Gallum  et  Anglum  iam  exardescit.  Quid  futurum  sit  Deus  solus  novit.  Interea  constitutum  est  pastoribus  pergere  et  omnia  Deo  committere.  Lucernae  cogi  novum  militem8)  mirum  non  est,  quum  nec  bellum  illud  administrari  nec  rebelles  compesci  absque  externis  copiis  possint,  paucissimi  autem  ex  vetere  illo  Helvetico  exercitu  supersint.  Itaque  quum  legerem  quod  ad  Calvinum  nostrum  de  illorum  fastu  scripsisti,  venit  mihi  in  mentem  vernaculi  cuiusdam  nostri  proverbii,  natos  esse  superbos  ad  verbera.  Vicerint,  mi  pater,  vicerint  isti  quantum  volent.  Sed  ut  pestem  et  alia  flagella  omittam,  hoc  tibi  possum  oculatus  testis  affirmare,  in  illo  nostro  proelio  restitisse  quidem  illos  fortiter,  sed  ita  fuisse  a  nostris  equitibus  ruptos,  caesos,  attritos,  ut  vel  ipsi  diabolo  potuerint  misericordiam  movere.  9)  Utinam  ergo,  si  quiescere  nolunt,  nuquam  felicioribus  victoriis  potiantur.  Guisiani  iam  feruntur  in  aulam  ivisse  ut  a  Rege  petant  ius  sibi  adversus  Amiralium  dici.10)  Hoc,  7)  De  his  rebus  saepius  in  praecedentibus.  In  collectione  documentorum  quae  inscribitur  Memoires  de  Conde  Tom.  J  F.  plures  habes  Regis  et  Reginae  Meras  tam  ad  Parlamentum  quam  ad  Connestabilem  scriptas  de  illo  edicto  promulaando  (p.  311  seqq  553).  Cf  Lanquet  Epp.  II.  254.  8)  N.  4009.  4018  9)  N.  3887.  Baum  IL  App\  198  ss.  Hist.  eccl  11.240;  L'abatis  des  Suisses  fut  merveilleux  desquels  furent  tues  17  Capitaines.  10)  Languet  d.  d.  4.  Sept.  p.  257:  Agitur  per  quosdam,  et  praecipue  per  viduam  Ferrariensem  matrem  Guisiae,  de  componenda  controversia  inter  Guisios  et  Castillionaeos  .  .  .  .