9:148  et  spectatae  tum  pietatis  tum  doctrinae  Philippum  Melancthonem  nobis  adversarium  ingeritl).  Altero  scripto2)  veterem  ecclesiam  sub  Augustini  nomine  committit  nobiscum  in  certamen.  Tertio3),  densam  phalangem  ex  vicinis  Saxoniae  locis  instruit:  cuius  splendore  perstringat  simplicium  oculos,  [pag.  22]  Caeterum,  quia  mihi  cum  homine  nullius  verecundiae,  summae  vero  loquacitatis  negotium  est,  rogandi  mihi  sunt  lectores,  primum  ut  sermonum  circuitu  valere  iusso  rem  nudam  aspiciant:  deinde  ut  prudentiam  ac  aequitatem  adhibeant  in  iudicando.  Quia  favorem  apud  pios  obtinuit  Augustana  confessio,  facere  pridem  cum  sua  factione  coepit  Ioachimus  quod  solent  homines  rationibus  vacui,  ut  nobis  clypeum  autoritatis  obtruderet.  Ergo  si  nos  a  recepto  consensu  discedere  monstraret,  se  quodammodo  credidit  coelum  obnubilare,  vel  crassiores  nebulas  obducere  simplicium  oculis,  quam  ut  ID  ipsa  meridie  micaret  lucis  scintilla.  Hoc  fallaci  praeiudicio  ut  nos  gravare  desineret,  provocavi  ad  autorem  ipsum  confessionis,  fateor:  cuius  dicti  me  non  poenitet.  Quid  autem  Westphalus?  pro  crassa  sua  barbarie  summam  victoriae  in  eo  ponere  [pag.  23]  me  iactat,  si  nobis  subscribat  Philippus.  Cuius  mendacii  dum  ipsum  pudeat  ne  exspectent  lectores  (ita  frontem  perfricuit),  tantum  aestiment  quid  fidei  mereatur  foetida  garrulitas.  Verba  sunt:4)  De  confessione  Augustana  sic  respondeo,  verbulum  in  ea,  qualis  Ratisponae  edita  fuit,  non  exstare  doctrinae  nostrae  contrarium.  Si  qua  in  sensu  ambiguitas  incidat,  nullum  esse  magis  idoneum  interpretem  quam  autorem  ipsum,  cui  etiam  id  honoris  pro  suo  merito  facile  pii  omnes  et  eruditi  deferent.  Ad  eum  si  intrepide  provoco,  quid  superest  nisi  ut  putida  iaceat  Westphali  garrulitas?  Hinc  eliciat,  si  potest,  summam  victoriae  mihi  in  unius  hominis  subscriptione  fundatam  esse.  Nec  vero  minus  sordidae  vanitatis  est,  quod  se  valde  mirari  simulat,  praeceptori  suo  hanc  aspergi  maculam:  quum  ex  Philippi  responso  ut  inter  nos  conveniat  [pag.  24]  clarius  didicerit,  quam  ego  praedicare  ausus  sum.  1)  Alludere  videtur  nd  epistolam  quandam  Melanchthoni*  olim  ad  Gorolicium  Brunsvicensem  datam  in  qua  vir  summus  de  colloquio  Marburgensi  verba  faciens  Zwinghwn  paulo  seve  rius  taxat.  Hanc  epistolam  Westphalus  ad  calcem  Confessionis  Saxonum  recudi  iusserat.  2)  En  la  seconde  partie  de  son  livre  .  .  .  .  puis  en  la  troisiesme  etc.  quod  omnino  falsum  est  quum  Noster  de  diversis  Westphali  scriptis  agat.  Caeterum  in  edit.  principe,  plane  singulari  typothetae  errore  haec  verba:  Tertio  .  .  .  .  oculos,  praecedunt  illa  :  Altero  .  .  .  .  certamen.  Alterum  quod  dicit  scriptum  Collectanea  sunt  sententiarum  Augustini  iam  a.  1555  editae,  sed  ut  videtur  Nostro  tardius  cognitae.  De  quibus  vide  Prolegomena.  a)  Tertium  scriptum  est  Confessio  fidei  ministrorum  Saxoniae  inferioris  a.  1557  a  Westphalo  edita  de  qua  plura  diximus  in  Prolegomenis.  4)  Mes  paroles  sont.