8:148  n'ont  creu:  et  par  ainsi  qu'il  faut  que  l'incredulite  precede  en  ordre  la  reprobation.  5.  Confermant  ce  propos  il  a  faussement  allegue  ce  qui  n'est  pas  au  1.  chap.  de  sainct  Iehan,  c'est  que  Iesus  Christ  est  venu  pour  illuminer  tout  homme  de  ce  monde:  et  a  falsifie  ce  passage  par  certaine  malice  et  impudence  veu  qu'il  en  avoit  este  redargue  par  cidevant  en  pleine  congregation.  6.  Et  combien  qu'il  eut  proteste  du  commencement  que  l'election  de  Dieu  estoit  eternelle  et  que  nous  sommes  sauvez  par  sa  grace  toutesfois  il  a  depuis  dit  et  reitere  :  Notez  bien  que  l'Escriture  ne  dit  pas  que  nous  soyons  sauvez  pour  ce  que  Dieu  nous  ayt  eleu,  mais  pour  ce  que  nous  avons  creu  en  Iesus  Christ.  7.  Apres  il  a  dit  que  pour  approuver  ceste  fausse  doctrine  qu'on  avoit  corrompu  et  perverty  et  faussement  expose  aucuns  passages  de  l'Escriture.  Entre  autres  il  a  allegue  le  16.  des  Proverbes  disant  que  la  translation  francoise  portoit  que  Dieu  a  cree  le  meschant  au  iour  de  l'iniquite,  qui  est  une  calomnie  meschante.  Car  la  premiere  translation  de  Neufchastel  a:  au  iour  mauvais.  Et  l'impression  de  Geneve  a:  au  iour  de  la  calamite.  8.  Il  a  dit  puis  apres  qu'on  alleguoit  faussement  un  passage  de  sainct  Paul  qui  n'est  pas  ainsi  escrit:  c'est  que  Dieu  a  suscite  Pharao  de  toute  eternite.  En  quoy  il  est  un  calomniateur  tout  evident  nous  chargeant  par  menterie  de  ce  qu'il  a  controuve.  9.  Alleguant  le  passage  de  sainct  Paul  de  la  similitude  des  vaisseaux  qui  sont  faitz  en  honneur  ou  opprobre  il  a  dit  qu'on  en  abusoit  tout  au  contraire  de  l'intention  de  sainct  Paul  et  s'est  fonde  sur  ce  que  sainct  Paul  dit  qu'ilz  ont  este  apprestez  a  leur  perdition  mais  que  Dieu  a  appreste  les  vaisseaux  de  grace  et  de  salut.  Comme  si  par  cela  sainct  Paul  vouloit  dire  que  le  meschant  s'appreste  et  non  pas  qu'il  soit  predestine  ny  ordonne  de  Dieu.  10.  Sur  cela  condamnant  la  doctrine  de  Dieu  que  nous  suyvons  a  dit  qu'elle  pretendoit  a  faire  un  Dieu  tyran