58:148  qu'ils  ne  se  peuvent  renger,  pour  dire,  I'ay  failli.  Car  ils  ont  tousiours  honte  de  confesser  la  debte:  et  cependant  ils  n'ont  point  honte  d'estre  condamnez  devant  Dieu  et  devant  ses  Anges:  et  puis  ils  ont  les  remors  en  eux-mesmes,  qu'il  faut  qu'ils  se  condamnent  en  despit  de  leurs  dens.  Ils  ont  beau  cercher  tous  moiens  de  corruption,  ils  ont  beau  avoir  tous  leurs  subterfuges  pour  se  maintenir  en  leur  meschante  cause  :  mais  quand  ils  auront  gaigne  et  grans  et  petits,  soit  par  corruption,  ou  par  faveur,  ou  par  quelque  autre  facon,  et  que  tout  le  monde  sera  pour  eux,  si  faut-il  qu'ils  vienent  a  ce  iugement  de  leur  conscience,  lequel  ils  ne  peuvent  fuir:  et  la  (comme  i'ay  dit)  ils  trouveront  qu'ils  n'ont  rien  gagne  par  tous  leurs  circuits  et  leurs  eschapatoires  :  car  en  despit  qu'ils  en  ayent,  il  faut  qu'ils  se  sentent  estre  coulpables  devant  Dieu.  Or  quand  ceci  nous  est  propose,  ce  n'est  pas  pour  nous  endormir  en  un  tel  vice:  mais  c'est  afin  que  nous  sachions  qu'y  estans  suiets,  il  nous  faut  cercher  le  remede.  Quand  donc  Moise  dit  qu'Abimelech  a  fait  semblant  de  s'estre  tresbien  acquitte  envers  Isaac,  et  nous  savons  le  contraire,  par  ce  qu'il  en  a  recite,  ce  n'est  pas  seulement  pour  monstrer  qu'Abimelech  a  este  hypocrite  et  homme  double:  mais  c'est  pour  nous  mettre  un  miroir  devant  les  yeux,  afin  que  nous  sachions  qu'il  n'y  a  celui  de  nous  qui  ne  soit  enclin  a  se  flatter,  et  a  vouloir  gagner  une  mauvaise  cause:  combien  qu'il  soit  assez  convaincu  d'avoir  offense,  que  neantmoins  l'orgueil  empeschera  que  nul  ne  se  renge.  Voila  donc  l'intention  de  Moise.  Ainsi,  qu'est-il  de  faire?  Que  chacun  sonde  bien  ce  qui  est  en  lui:  et  apres  nous  estre  deument  examinez,  nous  trouverons  qu'il  n'y  a  celui  qui  ne  voulust  couvrir  ses  fautes,  et  qui  ne  voulust  donner  le  tort  a  sa  partie  adverse,  quand  nous  avons  quelque  querelle:  et  sur  cela  nous  cercherons  tous  de  belles  couleurs,  pour  nous  excuser,  et  des  subterfuges,  des  tergiversations  :  et  convertirons  (par  maniere  de  dire)  le  blanc  en  noir,  et  le  noir  en  blanc,  pour  nous  pouvoir  iustifier.  Voiant  que  neus  sommes  suiets  a  un  tel  mal,  que  nous  combations  a  l'encontre.  Car  ce  n'est  point  assez  d'avoir  senti  nostre  vice,  mais  il  nous  le  faut  laisser:  et  en  le  laissant,  aussi  il  faut  que  nous  y  resistions,  si  nous  ne  pouvons  pas  dit  tout  le  vaincre.  Et  quand  ce  viendra  a  la  pratique,  que  nous  aurons  offense  cestui-ci,  ou  cestui-la,  que  nous  ne  regardions  pas  les  hommes,  pour  nous  esblouir  les  yeux:  mais  que  chacun  se  retire  comme  en  son  prive,  Or  ca,  que  puis-ie  faire  maintenant?  Il  est  vray  que  i'en  pourray  donner  iustement  le  tort  a  ma  partie:  car  il  m'a  offense  en  telle  sorte  et  en  telle:  mais  j  cependant  suis-ie  encore  innocent  devant  Dieu  et  j  devant  ses  Anges?  Il  faut  donc  que  ie  commence  j  a  me  iuger  moy-mesme.  Car  combien  que  ie  soye