44:148  adhuc  urbes  conterentur,  inquit,  prae  abundantia  bonorum.  Sic  enim  dixi  me  accipere  verbum  njSHDfV  Nam  pD  significat  dispergere,  significat  etiam  conterere  et  frangere.  Quidam  coactum  sensum  eliciunt,  quod  sese  diffundent  urbes:  alii  quod  segregabuntur,  id  est,  tanta  erit  securitas,  ut  etiamsi  procul  inter  se  distent  urbes,  nihil  tamen  erit  periculi,  vel  metus.  Sed  sensus  prophetae  clarus  est,  nisi  data  opera  velimus  nos  torquere  in  re  manifesta  et  facili:  adhuc,  inquit,  urbes  conterentur  prae  abundantia  bonorum,  hoc  est:  elles  seront  entassees,  ut  dicimus.  Nam  ubi  magna  est  congeries,  illic  est  oppressio.  Dicit  igitur  tantam  ac  tam  uberem  fore  copiam  bonorum  omnium,  ut  se  frumentum  collidat:  ita  etiam  ut  dolia  vix  possint  capere  suas  vindemias.  Nunc  tenemus  quid  velit  propheta,  nempe  Ierosolymam  fore  adhuc  integram:  imo  alias  etiam  urbes  fore  refertas  bonis  omnibus,  quia  Dei  gratia  sese  extendet  ad  totum  populum.  Iam  adiungit,  Consolabitur  adhuc  Sion  Iehova,  et  eliget  adhuc  Ierusalem.  Repetitur  saepius  particula  T)];,  adhuc:  quia  interruptio  de  qua  ante  diximus,  poterat  quodammodo  retinere  animos  fidelium,  ne  possent  conscendere  usque  ad  istam  promissionem.  Quoniam  ergo  ad  tempus  abscondita  fuerat  gratia  Dei,  angelus  pronuntiat  talem  fore  mutationem,  ut  rursus  de  integro  sicuti  olim,  refulgeat  Dei  bonitas,  et  amor  erga  electum  populum.  Quantum  attinet  ad  verbum  eligendi,  notandum  est,  hic  improprie  transferri  ad  effectum  aut  testimonium  electionis.  Deus  enim  semel  elegit  ante  creatum  mundum  quos  voluit  esse  suos:  sed  dicitur  eligere  quos  recipit  in  gratiam,  quoniam  in  oculis  hominum  obliteratur  adoptio  semel  facta,  ubi  nullum  paterni  favoris  signum  apparet.  Exempli  gratia:  toties  legimus  Deum  repudiasse  populum  suum:  certe  vocatio  Dei  sine  poenitentia  est,  inquit  Paulus  (Rom.  l  l  ,  29).  Nec  tantum  hoc  pronuntiat  de  arcana  cuiusque  electione,  sed  de  adoptione  illa  generali,  qua  Deus  segregavit  genus  Abrahae  a  reliquis  gentibus.  Quanquam  inter  filios  Abrahae  multi  erant  reprobi  :  sicuti  producit  exempla  Esau  et  aliorum:  tamen  electio  Dei  in  se  firma  erat.  Et  hinc  factum  est  etiam,  ut  adhuc  maneat  spes  aliqua  in  populo  illo.  Quia  tandem  colliget  Deus  sibi  ecclesiam  tam  ex  Iudaeis,  quam  ex  gentibus,  ut  rursus  coalescant  qui  nunc  ita  distracti  sunt.  Quum  ergo  vocatio  Dei  sit  a{A6Ta[ieA7}Toc,  unde  fit  ut  dicatur  Dominus  saepius  eligere?  dicatur  etiam  reiicere  electos  suos?  nempe  hoc  refertur  ad  externam  speciem.  Deus  ergo  tuetur  suam  electionem  ad  finem  usque.  Sed  quia  non  possumus  aliter  statuere,  quam  nos  reiici  a  Deo  ubi  avertit  a  nobis  faciem  suam,  haec  ratio  est  cur  dicatur  rursus  eligere  quos  repudiavit:  quia  scilicet  re  ipsa,  et  claro  experimento  declarat  se  non  oblitum  fuisse  primae  adoptionis,  sed  manere