42:148  estre  ensevelie,  mais  nostre  Seigneur  puis  apres  ha  suscite  gens  qui  ont  manifeste  cette  ordonnance  par  tout:  ceux-la  donc  ont  couru,  et  il  est  dit,  que  cette  doctrine  ici  sera  augmentee.  Ici  l'ange  signifie  que  non  seulement  l'Evangile  se  preschera,  mais  que  Dieu  donnera  vertu  a  cette  predication,  et  vertu  telle  qu'elle  sera  receue,  qu'il  y  en  aura  beaucoup  qui  seront  illumines  a  la  connoissance  de  verite,  la  doctrine  donc  s'augmentera.  Or  cependant  donc  notons  que  tout  ceci  n'est  point  advenu  sans  une  bonte  admirable  de  nostre  Dieu,  c'est  a  scavoir  que  les  hommes  nous  instruisent  en  la  doctrine  de  salut,  comme  sainct  Paul  dit,  cuidons  nous  quand  nous  aurons  des  prescheurs  qui  facent  cela  d'eux  mesmes,  quand  ils  nous  preschent  et  enseignent  fidelement  en  la  parole  de  Dieu,  pensons  nous  qu'ils  se  soient  forges  et  bastie,  cuidons  nous  qu'ils  soient  envoies  par  le  monde,  et  qu'ils  soient  sortis  de  la  terre?  nenni  non,  mais  c'est  un  don  singulier  que  nous  recevons  de  la  main  de  Dieu,  c'est  un  don  par  lequel  il  nous  declare  sa  bonte  infinie,  quand  ii  luy  plaist  de  nous  donner  gents  par  lesquels  nous  soions  enseignes,  et  c'est  ce  qui  est  dit  par  le  prophete  Isaie,  quand  il  parle  que  la  venue  de  ceux  qui  nous  annoncent  les  bonnes  nouvelles  est  bien  heureuse.  Sainct  Paul  allegant  ce  passage  nous  monstre,  que  nous  devons  estimer  sur  tout  un  tel  benefice  de  Dieu,  quand  nous  avons  gens  qui  nous  preschent  fidelement  l'Evangile,  il  est  vray  que  ce  ne  sera  rien,  qu'on  nous  declarera  ce  qui  est  contenu  en  la  doctrine  de  l'Evangile,  si  ce  n'est  que  Dieu  face  le  tout  profiter,  car  Pair  en  pourra  bien  retentir,  nous  demourrons  tousiours  sourds,  iusques  a  ce  que  Dieu  nous  ait  ouvert  les  oreilles,  voire  et  qu'il  nous  les  ait  percees,  comme  il  en  ha  parle  au  Pseaume  quarantieme.  Ainsi  donc  notons  que  l'ange  ha  ici  voulu  exprimer  les  deux  graces  de  Dieu,  quand  il  dit,  plusieurs  courront,  et  la  doctrine  sera  augmentee,  et  sainct  Paul  nous  montre  l'accomplissement  de  cette  prophetie,  quand  il  dit  que  l'Evangile  ha  retenti  par  tout  le  monde,  quand  nostre  Seigneur  ha  envoie  ses  apostres  et  ses  messagers,  pour  faire  la  reconciliation  d'entre  luy  et  le  monde:  il  faut  donc  que  nous  prions  Dieu  que  cette  doctrine  soit  imprimee  tellement  en  nos  coeurs,  qu'il  la  face  profiter  en  telle  sorte,  qu'en  toute  crainte  et  humilite  nous  aions  les  yeux  esleves  a  luy,  a  fin  de  contempler  la  gloire  celeste,  en  laquelle  il  nous  appele,  et  cependant  qu'il  nous  voudra  entretenir  en  cette  vie  mortelle,  qu'il  luy  plaise  nous  faire  tellement  renoncer  a  toutes  nos  meschantes  affections,  que  nous  apprenions  d'estre  conduits  par  son  sainct  Esprit,  a  fin  que  nos  connoissions  que  ce  n'est  point  une  peine  inutile  et  perdue,  d'avoir  mis  nostre  esperance  en  luy,  mais  qu'il  nous  recueillera  une