30:148  ac  misereatur,  neque  unquam  spe  sua  frustrentur  qui  in  ipso  fiduciam  collocarint,  quod  Deus  non  sit  instar  hominum  vanus  et  mendax:  sed  ipsius  veritas  in  aeternum  maneat,  et  licet  coelum  terrae  misceatur,  et  sus  deque  omnia  ferantur,  semper  incolumis  appareat.  Notandum  igitur  nobis,  in  hac  Davidis  unctione  Deum  patefecisse,  Saule  licet  exauctorato  et  regno  pulso,  promissam  tamen  suam  gratiam  et  tamdiu  exspectatam,  minime  abolitam:  nimirum,  fore  ut  caput  populo  praeficeretur,  quod  divinam  maiestatem  repraesentaret,  et  in  omnium  salutem  cederet,  usque  ad  Domini  nostri  Iesu  Christi  adventum.  Sed  quandoquidem  singula  non  possunt  hoc  momento  sigillatim  explicari,  agite  quem  textus  ostendit  ordinem  sequamur.  In  primis  obiurgatum  a  Deo  Samuelem  videmus  quod  Saulem  indesinenter  lugeret.  Hic  vero  luctus,  ut  heri  docuimus,  a  singulari  virtute  manabat.  Nam  Samuel,  ut  homo  erat,  etfut  sunt  hominum  mores,  potuisset  Sauli  regiam  dignitatem  invidere:  sed,  ut  apparet,  se  non  respexit,  neque  sui  curam  ullam  habuit,  quin  potius  totius  populis  commodis  et  utilitati  studuit.  Quare  metuens  ne  qua  sublato  Saule  confusio  in  regnum  incideret,  flebat  et  lamentabatur  :  qui  sane  bonus  sanctusque  zelus  fuit,  et  Deo  procul  dubio  probatus:  sed  excessus  in  eo  vituperabilis,  quod  flendi  modum  non  fecerit.  Peccasse  tamen  Samuelem  etiam  merito  quis  dixerit,  licet  non  immodico  luctu  Saulis  repulsam  lugentem  :  quod  divino  decreto  de  Saulis  reiectione  sine  contradictione  et  simpliciter  acquiescere  ipsum  oporteret,  et  non  tantum  acquiescere  Dei  voluntati,  sed  eadem  etiam  laetari:  quomodo  nos  etiam  Domini  nomen  in  omnibus  ipsius  operibus  decet  benedicere.  Flens  itaque  lugensque  Samuel  videtur  aliquo  modo  Deo  reluctari  et  contradicere  velle:  neque  eo  usque  posse  deiici  et  humiliari,  ut  quod  Deus  fecit  approbet,  eique  consentiat.  Quod  primum  fidei  christianae  repugnat  ex  diametro:  deinde  miserrimam  eius  hominis  conditionem  esse  necesse  est,  quod  mortalis  autoritati  Dei  subiici  non  possit,  neque  probare  quod  ipsi  visum  est,  nec  eius  decretum  ut  bonum  et  iustum  agnoscere  et  admittere.  En  ut  prima  fronte  videri  possit  Samuel  lugens  Deum  offendisse.  Sed  hic  observandum,  posse  quidem  nonnunquam  homines  passionibus  abripi,  non  quidem  Dei  voluntati  contrariis  et  repugnantibus,  sed  non  tamen  omnino  consentientibus.  Exempla  satis  frequentia  vitae  nostrae  curriculum  nobis  suppeditat.  Veluti,  si  quis  uxorem,  vel  liberos,  vel  parentes  habeat,  quibus  longiorem  vitam  optet,  naturali  Giocyrj  ad  hunc  affectum  impellitur,  et  officio  suo  fungitur,  ac  proinde  recta  et  naturalis  illa  affectio  laudabilis  est.  Verum  tamen  Deo  aliter  videbitur,  et  vel  parente,  vel  uxore,  vel  liberis  orbare  illum  volet;  quorum