21:148  ut  apud  populum  ipsum  audirentur,  quum  de  lege  a  populo  lata  abroganda  ageretur.  Quamobrem  in  eam  sententiam  animis  non  mediocriter  commutatis  itum  est,  ut  suspenso  illo  diacosiorum  decreto  statueretur,  petendum  esse  a  quatuor  civitatibus  Helveticis  iudicium,  nec  interea  praeiudicium  ullum  fieri  receptis  legibus  oportere.  Sic  discussa  potius  quam  sedata  fuit  haec  tempestas,  quam  illi  praeter  spem  omnem  a  Calvini  capite  aversam  in  Farelli  caput  e  re  nata  convertere  tentarunt.  Farellus  enim  mense  Martio  morbo  illo  tam  gravi  conflictatus,  simulatque  per  valetudinem  licuerat  Genevam  properans,  peracerbe  factiosos  pro  concione  partim  causa  ipsa,  partim  aetate  et  vetere  sua  quadam  apud  illos  *)  autoritate  fretus  increparat.  Ipsi  vero  factam  sibi  iniuriam  querentes  diem  illi  Neocomum  reverso  dixerunt,  impetratis  a  senatu  ad  Neocomenses  literis,  ut  Farellum  ad  diem  condictam  adesse  paterentur.  Venit  igitur  Farellus,  nec  a  periculo  aberat,  clamitantibus  factiosis  dignum  esse  qui  in  Rhodanum  abiiceretur,  quum  ab  uno  ex  civibus  cordato  iuvene  admonito  primum  Perrino  videret  etiam  atque  etiam,  ne  quid  detrimenti  communis  veluti  civium  parens  Farellus  acciperet,  tum  adiuncto  sibi  altero  etiam  integro  iuvene  et  socio,  commonefactis  caeteris  quos  bene  affectos  noverant,2)  sese  in  curia  Farello  sistente  ibique  concurrente  magna  urbis  parte,  attoniti  ac  de  se  ipsis  iam  solliciti  accusatores  audito  Farello  culpam  ipsi  sunt  deprecati.  Ita  paene  totus  hic  annus  adversus  improbos  tum  pro  doctrina,  tum  pro  disciplina  concertando  consumptus  fuit:  prospero  tamen  ubique  exitu,  si  vulnus  excipias,  quod  non  Anglia  modo,  sed  Christianae  omnes  ecclesiae  Eduardi  religiosissimi  Regis  intempestiva  morte  acceperunt.  Et  tamen  eo  ipso3)  Calvinus  scribendo  etiam  intentus  egregios  illos  ia  Ioannem  commentarios  emisit.  Liceat  hic  nobis  et  utinam  immerito  testari  de  Serveto,  quod  de  gemino  monstro,  Paulo  Samosateno  videlicet  et  Ario  Alexandrino,  veteres  illi  patres  experientia  ipsa  edocti  scripserunt,  ab  iis  nimirum  primum  orta  incendia,  quibus  omnes  orbis  christiani  ecclesiae  postea  paene  deflagrarunt.  Sumptum  enim  optimo  iure  Genevae  de  Serveto  supplicium,  non  ut  de  sectario  quodam,  sed  tanquam  [fol.  III.  3]  de  monstro  ex  mera  impietate  horrendisque  blasphemiis  conflato,  quibus  totos  annos  triginta  tum  voce  tum  scripto  coelum  ac  terram  infecerat,  ne  nunc  quidem  dici  potest  quantopere  Satanae  rabiem  exacerbarit  exorta  flamma  quae  Poloniam  primum,  inde  Transsylvaniam  et  Ungariam  corripuit,  et  utinam  non  longius  perva-  1)  apud  Genevensem  civitatem  (rece.)  2)  tum  adiuncto  .  .  .  .  noverant  om.  3)  add.  tempore.