20:148  observando  nostro  fratri  Gualtero  de  libelli  illius  translatione,  quam  scio  fore  Amiralio  gratissimam.  Quidquid  in  ea  sumptuum  factum  erit,  ubi  me  certiorem  feceris,  resarcietur.  Gaudeo  te  meliuscule  valere  et  Dominum  rogo  ut  te  totum  nobis  restituat.  Iam  ereptus  nobis  est  vir  ille  incomparabilis  D.  Martyr.  Subsequutus  est  D.  Musculus.  2)  Utinam  nos  respiciat  Dominus  in  suis  organis,  quae  quam  rara  sint  nunquam  nisi  illis  amissis  sentiemus.  Calvinus  noster  a  calculo  liberatus  ad  tempus,  iam  totum  mensem  cum  podagra  luctatur,  ita  afflicto  corpusculo  ut  nunquam  illum  aspiciam  (aspicio  autem  quotidie)  quin  consolatione  egeam.  Subscriptoris  illius,3)  de  quo  ad  me  scribis,  impudentiam  non  possum  satis  mirari.  Utrum  enim  turpius  est  vel  subscripsisse  ei  doctrinae  quam  nemo  paene  ignorat  ipsum  clam  semper  fovisse,  an  vero  aliis  suasisse  quod  ipse  non  probet?  Sed  mihi  magis  etiam  displicet  nostrorum  tarditas.  Quid  enim  hic  longo  consilio  opus  est  quum  de  scelere  satis  constet?  Et  quod  ad  me  attinet,  nunquam  illum  existimo  haec  ausurum  fuisse,  nisi  sibi  tempestive  de  remedio  prospexisset.  Ac  proinde  vix  quidquam  unquam  aliud  accidisse  puto  in  his  regionibus  quod  minus  dissimulari  debeat  aut  maiori  contentione  sit  urgendum:  quoniam  alioqui  ita  serpet  malum  ut  brevi  nullum  remedium  patiatur.  Scripsi  his  diebus  tumultuarie  duas  responsiones,  unam  adversus  peritissimum  apostatam  Balduinum,*)  qui  nunc  in  Flandria  ecclesias  a  fundamentis  eruit,  alterum  ad  Castellionis  accusationes.5)  Utramque  ad  te  mitto,  sed  illam  inprimis  depravatis8Ime  excusam.  Tu  leges  quum  libebit.  Ibi  videbis  quod  monstrum  tamdiu  aluerint  Basilienses  fratres,  quibus  hanc  ipsam  ob  causam  responsum  meum  dicavi,  ut  tandem  intelligant  quid  cum  sua  ista  mollitie  proficiant.  Nam  si  haec  monstra  in  nostris  visceribus  fovere  diutius  constitutum  est,  nemo  non  videt  quorsum  sit  res  evasura.  Quod  de  Brentiano  catechismo  6)  monuisti  recte  fecisti,  mi  pater,  et  paternam  tuam  in  Gallicas  ecclesias  benevolentiam  pro  tuo  more  testatus  es.  De  qua  tibi,  sicuti  par  est,  omnium  nomine  gratiam  habeo.  Rogandus  est  Dominus  inprimis  ne  satanicis  istis  furoribus  aditus  patefiat.  Nos  sedulo  fratres  admonuimus.  Et  hoc  tibi  audeo  Dei  benignitate  fretus  polliceri,  mi  pater,  vix  aut  ne  vix  quidem  inventurum  illum  in  Gallicis  ecclesiis,  non  2)  Obiit  Bernae  a.  d.  III.  Cal  Sept  annum  agens  sextum  supra  sexagesimum.  3)  Sulzeru  4)  Besponsio  ad  Fr.  Balduini  Ecebolii  apostatae  calumnias.  Gen.  1563.  12.  {Tract,  theol  II.  199.  Heveling  p.  39.)  5)  N.  3976.  6)  N.  4009.