8:147  147  PKOCES  DE  BOLSEC.  148  IL  S'ensuyvent  les  articles  que  nous  avons  extraictz  des  propos  tenuz  ce  iourdhuy  16.  d'octobre  1551  par  un  nomme  maistre  Hierosme.  (Registre  de  la  Venerable  Compagnie,  Vol.  A.  p.  109,)  1.  Apres  avoir  conferme  ce  qui  avoit  esto  dict  ou  en  avoir  fait  le  semblant  afin  de  s'insinuer  envers  les  simples  il  a  dit  qu'il  y  avoit  une  opinion  nouvelle  contraire  a  l'Escriture  saincte  au  grand  scandale  de  l'Evangile  et  pernicieuse:  c'est  que  Dieu  a  determine  devant  la  creation  du  monde  ceux  qui  devoyent  estre  sauvez  et  ceux  qui  devoyent  estre  damnez  et  qu'il  a  faict  cela  devant  qu'avoir  preveu  ceux  qui  devoyent  croire  ou  estre  incredules.  2.  En  sa  deduction  il  a  monstre  qu'il  confessoit  bien  que  Dieu  eut  de  tout  temps  eleu  ou  reprouve  ceux  qui  doivent  estre  sauvez  ou  damnez  mais  que  ce  a  este  en  consideration  que  les  uns  obeiroyent  a  l'Evangile  et  que  les  autres  y  seroyent  rebelles.  3.  Quant  a  la  doctrine  que  nous  tenons  c'est  que  Dieu  devant  la  fondation  du  monde  a  preveu  et  ordonne  lesquelz  seroyent  des  siens,  sans  trouver  en  eux  raison  pourquoy,  mais  la  prenant  de  sa  bonte  pure:  au  contraire  qu'il  a  reprouve  ceux  qui  perissent  sans  que  nous  en  puissions  alleguer  raison.  Premierement  il  l'a  condamnee  comme  desia  a  este  dit  et  puis  il  a  dit  quelle  estoit  venue  d'un  certain  Laurens  Valle  et  que  bien  peu  de  gens  versez  aux  lettres  theologales  et  de  bon  sens  la  recoivent,  mesme  quelle  est  reprouvee  de  tous  les  docteurs  anciens.  Comme  ainsi  soit  que  tous  ceux  qui  de  nostre  temps  ont  suivy  la  doctrine  de  l'Evangile  la  tiennent  et  maintiennent  dans  leurs  escritz.  4.  Voulant  prouver  que  nulz  n'ont  este  reprouvez  sinon  ceux  qui  ont  resiste  a  Dieu  et  a  sa  parolle  desia  au  paravant  il  a  allegue  les  passages  ou  Dieu  attribue  la  damnation  des  hommes  a  leur  propre  malice  disant:  il  n'est  pas  dit  que  Dieu  les  damnera  pource  qu'il  les  ayt  reprouvez  mais  pource  qu'ilz