58:147  147  DIXIEME  SERMON  148  auparavant:  afin  qu'ils  fussent  retenus,  et  qu'ils  ne  persistassent  point  en  telles  iniures.  C'est  donc  en  somme  ce  que  nous  avons  a  retenir  de  ce  passage.  Et  ceste  regle  est  bien  necessaire  :  car  souvent,  quand  les  hommes  sont  reconciliez  l'un  avec  l'autre,  il  faut  avoir  la  bouche  close,  et  il  n'y  aura  autre  moien:  et  celui  encore  qui  aura  le  plus  grand  tort,  il  faudra  qu'il  ait  plus  de  licence  et  plus  d'audace  a  se  vouloir  iustifier,  et  a  vouloir  faire  accroire  que  l'agneau  a  trouble  l'eau.  Notons  bien  donc,  quand  quelcun  aura  fait  iniure  a  son  prochain,  s'il  ne  vient  point  poursuivre  ses  querelles  particulieres  si  fort  qu'il  s'arreste  du  tout  a  cela,  il  sera  bon  que  chacun  soit  adverti,  et  que  celui  qui  a  tort  le  cognoisse,  qu'il  le  confesse  et  qu'il  soit  humilie:  mais  cependant  nous  voions  que  cela  n'a  pas  beaucoup  profite  :  tant  y  a  neantmoins  qu'Isaac  ne  poursuit  point  iusques  au  bout,  encore  qu'il  void  que  son  admonition  ne  soit  pas  receue,  et  qu'elle  ne  touche  pas  les  coeurs  de  ceux  ausquels  il  parle:  quoy  qu'il  en  soit  il  ne  se  despite  point  a  rencontre.  Mesme  voici  Abimelech  qui  dit,  Selon  que  nous  savons  este  amis,  et  que  nous  ne  savons  point  fait  de  mai,  aussi  iure-nous  que  tu  riattenteras  rien  a  rencontre  de  nous.  Non  seulement  Abimelech  couvre  le  mal  qu'il  a  commis  et  se  veut  excuser:  mais  il  se  vante  d'avoir  tres-bien  fait  son  devoir  envers  Isaac:  et  c'est  la  facon  commune  (ainsi  que  nous  avons  dit):  car  il  n'y  a  rien  plus  difficile  a  l'homme,  que  de  se  condamner,  encore  qu'il  se  sente  coulpable  :  on  arrachera  plustost  toutes  autres  choses,  que  ceste  humilite,  qui  est  toutefois  un  signe  requis  a  vraye  repentance.  Car  si  un  homme  sent  qu'il  ait  defailli,  et  peut  avoir  repentance,  il  faut  qu'il  proteste  estre  coulpable  devant  Dieu,  et  aussi  envers  son  prochain,  quand  il  sera  requis.  Et  voila  pourquoy  aussi  nostre  Seigneur  Iesus  Christ  nous  exhorte,  si  nous  avons  querelle  contre  nos  prochains,  c'est  a  dire  que  nous  les  ayons  offensez,  de  plustost  laisser  nos  sacrifices  a  l'autel,  pour  venir  cercher  appointement,  que  de  nous  flatter  et  nous  endurcir,  mesprisans  ceux  ausquels  nous  sommes  obligez.  Or  il  parle  du  temps  des  sacrifices:  mais  c'est  autant  comme  s'il  disoit  que  nous  ne  pouvons  prier  Dieu,  et  ne  pouvons  rien  faire  qui  lui  soit  agreable  cependant  que  nous  desdaignons  de  reparer  les  fautes  que  nous  avons  commises.  Or  combien  que  Dieu  nous  commande  si  estroitement  de  nous  humilier  si  nous  avons  failli,  si  est-ce  que  nul  ne  peut  venir  a  ceste  raison:  et  il  nous  est  ici  monstre  assez  en  la  personne  d'Abimelech  et  de  ses  compaignons.  Car  les  hommes  sont  aveuglez  et  de  l'amour  d'eux-mesmes,  et  d'orgueil  et  de  fierte,  en  sorte