52:147  147  EPIST.  PAULI  AD  THESSALONICENSES  I  148  quum  essent  Thessalonicensibus  comperta,  satis  firmum  habebant  fidei  suae  fundamentum.  4.  Quemadmodum  probati.  Altius  etiamnum  conscendit:  nain  Deum  apostolatus  sui  autorem  citat.  Atque  ita  ratiocinatur,  Deus  quum  mihi  hoc  munus  iniunxit,  mihi  testimonium  reddidit  fidelis  servi:  non  est  igitur  quod  de  fide  mea  dubitent  homines,  quam  sciunt  Deo  probatam.  Non  gloriatur  tamen  Paulus  se  probatum  fuisse  quasi  talis  a  seipso  fuerit:  neque  enim  quid  a  natura  habuerit,  hic  disputat  :  nec  propriam  virtutem  cum  Dei  gratia  in  certamen  committit:  sed  tantum  dicit,  sibi  non  aliter  quam  fido  et  probato  servo  commissum  fuisse  evangelium.  Probat  autem  Deus  quos  sibi  ad  arbitrium  suum  formavit.  Non  quasi  hominibus.  Quid  sit  hominibus  placere,  dictum  est  in  Epistola  ad  Galatas  (1,  10):  et  hic  locus  quoque  optime  ostendit.  Nam  Paulus  Deo  et  hominibus  placere  tanquam  res  oppositas  inter  se  confert.  Deinde  quum  dicit,  Deo  qui  probat  corda:  significat  eos,  qui  captant  hominum  gratiam,  non  duci  recta  conscientia,  nec  quidquam  agere  ex  animo.  Sciamus  ergo  hoc  veris  evangelii  ministris  debere  esse  propositum,  ut  Deo  sua  studia  impendant,  idque  faciant  ex  animo,  non  externo  aliquo  mundi  respectu:  sed  quia  conscientia  hoc  rectum  et  aequum  esse  dictat.  Ita  fiet  ut  non  studeant  placere  hominibus:  hoc  est  nihil  ambitiose  agant  in  hominum  gratiam.  5.  Neque  enim  unquam  in  sermone  adulationis  fuimus,  quemadmodum  nostis,  neque  in  occasione  avaritae:  Deus  testis.  6.  Nec  quaesumus  ab  hominibus  gloriam,  neque  a  vobis,  neque  ab  aliis.  7.  Quum  possemus  in  pondere  esse  tanquam  Christi  apostoli,  facti  tamen  sumus  mites  in  medio  vestri,  perinde  ac  si  nutrix  aleret  filios  suos.  8.  Ita  erga  vos  affecti,  libenter  voluissemus  distribuere  vobis  non  solum  evangelium  Dei,  sed  nostras  ipsorum  animas,  propterea  quod  cari  nobis  facti  estis.  5.  Neque  enim  unquam.  Non  sine  causa  toties  repetit  scire  Thessalonicenses  vera  esse  quaeeumque  narrat.  Nullum  enim  certius  testimonium  quam  eorum  experientia  quibuscum  loquimur.  Et  hoc  ipsorum  maxime  intererat,  quia  non  alio  consilio  refert  Paulus  quam  integre  versatus  sit,  nisi  ut  sua  doctrina  plus  reverentiae  obtineat  in  aedificationem  fidei  eorum.  Est  autem  proximae  sententiae  confirmatio:  nam  qui  placere  hominibus  cupit,  necesse  est  ut  se  turpiter  in  adulationem  flectat.  Qui  autem  serio  et  recto  animo  in  officium  intentus  est,  procul  ab  omni  assentationis  specie  aberit.  Quum  addit,  neque  in  occasione  a  v  a  r  i  t  i  a  e  ,  significat  se  nihil  privati  lucri  venatum  esse  apud  eos  docendo.  Ilpocpaatc  tam  occasio  quam  praetextus