5:147  DE  CLEMENTIA  libro:  Tum  legiones  classesque,  et  quod  raro,  praetorianus  urbanusque  miles  in  aciem  deducti.  Tranquillus  in  Augusto:  Legavit  praetorianis  militibus  singula  millia  nummorum,  cohortibus  urbanis  quingenos,  legionariis  trecenos  nummos.  Quamobrem  nescio  an  probe  verterit  Politianus  praefecti  cohortibus  urbanis,  pro  eo  quod  Herodianus  dixit  ἐπάρχοντος  τῶν  στρατωπεδῶν,  quum  de  Plautiano  loqueretur;  et  alibi,  urbanas  cohortes,  quod  Herodianus  dixerat  τοῦς  ἐν  τῇ  Ῥώμῃ  στρατιώτας,  quum  satis  constet  de  praetorianis  dictum.  Iam  praetorianae  cohortes  dispersae  per  hospitia  vagabantur,  donec  castra  quibus  continerentur,  ad  urbem  Tiberius  constituit:  quae  castra  praetoria  vocantur  ab  Herodiano  libro  IV.  simpliciter  τὰ  βασίλεια.  In  iis  castris  signa  habebant,  sed  singulae  cohortes  per  vices  excubabant,  ac  stationem  habebant  in  palatio.  Tranquillus  in  Othone:  Tulerat  animus,  post  adoptionem  statim  castra  occupare,  coenantemque  in  palatio  Gaibam  aggredi:  sed  obstitit  respectus  cohortis  quae  tunc  excubabat,  ne  oneraretur  invidia,  quod  eiusdem  statione  et  Caius  [pag.  141]  fuerat  occisus,  et  desertus  Nero.  Libro  III.  Herodiani  Plautianus  praefectus  praetorio  tribunum  sic  alloquitur:  Intrare  tibi  in  cubiculum  ubi  somnum  capiunt  soli  nempe  licet,  redeunte  vice  nocturnae  custodiae  ete  Libro  IV.  :  Simul  imperat  militibus  palatii  custodibus,  ut  se  in  castra  deducerent.  Libro  V.  :  At  illi  animis  rumore  illo  exulceratis  indignabundi,  neque  solitam  custodiam  miserunt  Antonino,  et  inclusi  castris  videre  Alexandrum  velle  in  templo  ipso  dictitabant.  Cohortibus  duos  praefectos  creavit  Augustus.  Sic  enim  interpretor  apud  Dionem  δύω  ἐπάρχοθς  τῶν  δορυφόρων:  quoniam  Suidas  pro  eodem  nunc  ἔπαρχον  τῶν  δορυφόρων,  nunc  ἔπαρχον  τῶν  πραιτωριάνων  ponit.  Herodianus  libro  V.  :  σωματοφύλακες  καὶ  δορυφόροι  οὓς  δὴ  πραιτωριανοὺς  καλοῦσιν,  id  est  corporis  custodes  et  hastati,  quos  praetorianos  vocant.  Hoc  tamen  perpetuum  non  fuit:  quia  pro  temporis  ac  rerum  varietate,  nunc  unum  suisse,  nunc  duos  praefectos  legimus.  Nam  et  Commodus  post  caedem  Perennii  duobus  commisit  praefecturam,  quo  in  partes  dissectam,  imbecilliorem  contra  principem  redderet.  Et  multi  imperatores  quum  exercitum  in  hostem  educerent,  alterum  ex  praefectis  praetorio  secum  habebant,  alterum  in  urbe  relinquebant:  quum  in  urbe  starent,  uno  contenti.  Hoc  etiam  silentio  transmittendum  non  est,  equites  romanos  assumptos  ex  more  fuisse  in  eam  dignitatem,  nec  ante  senatori  delatam,  quam  Titus  in  se  reciperet,  patre  Vespasiano  imperante.  Autor  Plinius  maior,  et  Tranquillus.  Verum  si  Cornelio  Tacito  credimus,  Arretinus  Clemens  ante  eo  officio  functus  fuerat,  favore  Mutiani,  senatorii  vir  ordinis,  et  domui  Vespasiani  per  affinitatem  innexus.  Histor.  libro  XX.  Quin  et  id  quod  de  Tito  scribunt  Plinius  et  Tranquillus  videtur  Aelius  Spartianus