42:147  147  SERMON  XLV.  148  ]e  monde  n'en  tient  compte,  c'est  tout  un  que  cela  n'empesche  point  que  vous  n'obeissies.  Nous  voions  comme  s'accorde  l'exhortation  qui  est  faitte  au  prophete  Isaie,  avec  celle  que  donne  l'ange  a  Daniel,  tien  donc  cette  prophetie  cachetee,  comme  si  c'estoit  une  lettre  close,  voire  iusques  au  temps  defini,  non  pas  qu'il  ait  fallu  que  cette  prophetie  fust  inconneue  aux  fideles,  de  ce  temps  la,  car  Dieu  vouloit  bien  qu'ils  l'eussent,  et  qu'ils  en  fussent  confermes,  et  mesmes  les  revelations  que  nous  avons  ouies,  ont  principalement  servi  du  temps  que  Dieu  affligeoit  son  Eglise  iusques  au  bout.  Ii  falloit  donc  que  les  fideles  en  fussent  certifies,  oui  bien,  mais  le  nombre  de  ceux  la  estoit  bien  petit,  Dieu  donc  luy  dit  que  cette  prophetie  ne  seroit  pas  entendue  de  gueres  de  gens,  si  faut  il  que  tu  saches  que  c'est  un  thresor  inestimable,  que  ce  n'est  point  une  chose  qu'il  faille  mespriser,  qu'il  ne  faut  point  que  tu  la  mettes  sous  les  pieds,  mais  que  tu  la  tiennes  secrette,  iusques  au  temps  deffini,  et  quand  il  adiouste  que  plusieurs  courent,  et  que  la  doctrine  sera  augmentee,  les  Iuifs  comme  ce  sont  des  bestes  malheureuses,  ont  corrumpu  ce  passage,  disans  que  plusieurs  qui  passerons  parmi  cette  prophetie  donneront  des  choses  diverses  et  repugnantes.  Or  au  contraire,  l'ange  a  voulu  declarer  a  Daniel  que  le  temps  viendra,  que  cette  prophetie  ici  qui  aura  este  comme  une  lettre  close  sera  publiee,  ce  seront  lettres  patentes  conneues  de  tous,  et  que  la  voix  de  ceux  qui  la  publieront  retentira  en  l'air,  que  tout  le  monde  en  sera  enseigne,  plusieurs  donc  courront,  et  la  doctrine  sera  augmentee,  et  cela  s'est  fait  quand  Iesus  Christ  ha  sonne  la  trompette  de  l'Evangile,  qu'il  ba  envoie  ses  apostres  pour  faire  le  semblable,  et  qu'il  a  suscite  les  autres  docteurs  de  l'Eglise,  alors  donc  nostre  Seigneur  ha  envoie  des  coureurs  des  gens  en  poste,  qu'ils  aient  este  prendre  possession  de  son  royaume,  pour  magnifier  la  volonte  de  Dieu  son  pere  par  tout.  Or  la  peine  que  prennent  ceux  qui  sont  constitues  pour  prescher,  l'Evangile  est  appelee  comme  une  course,  sainct  Paul  use  de  cette  similitude  la,  et  c'est  une  facon  de  parler  asses  commune  en  l'escriture  saincte  il  y  en  ha  qui  courent,  et  cependant  ne  seront  pas  envoies,  comme  il  est  dit  au  vingt-troisieme  chapitre  de  Ieremie,  ils  ont  couru  et  ie  ne  les  envoioI8  point,  il  parle  la  des  faux  prophetes  qui  s'ingerent  de  mettre  en  avant  leurs  songes  et  leur  phantasie.  Or  quand  Dieu  condemne  ceux  la,  il  montre  qu'il  y  ha  une  autre  course  qu'il  appreuve,  c'est  quand  il  envoie  ses  gents  a  fin  de  publier  sa  parole  par  le  monde,  avant  donc  que  les  apostres  eussent  publie  l'Evangile,  il  sembloit  que  cette  revelation  et  prophetie  qui  estoit  donnee  au  prophete  Daniel  fust  une  chose  perdue,  et  qu'elle  deust