30:147  147  HOMILIA  LVII.  148  proborum  vicem  et  exitium  impendens  immerentibus.  Dominus  noster  Iesus  Christus  dixit  Noachi  temporibus  illa  fuisse  hominum  studia,  ut  domos  splendidas  aedificarent,  genio  indulgerent,  luxu  diffluerent,  interea  dum  Noachus  magno  labore  arcam  struebat  :  et  mundi  praedictum  exitium  imminens  sine  dubio  lugebat.  Quare  Davidem  nos  oportet  imitari,  dicentem  se  saepe  in  lacrymas  pro  inimicorum  salute  effusum,  quum  praesertim  illos  Deum  offendendi  finem  nullum  facere  conspiceret:  et  quum  improbos  homines  veluti  amentes  conspiciemus  sibi  delicias  facere  adversus  Deum  insurgentes,  nullum  finem  faciamus  flendi  et  imminentem  illis  condemnationem  lugendi:  non  tantum  quod  suis  peccatis  Deum  provocent:  sed  quod  creaturas  ad  imaginem  Dei  factas  eo  amentiae  devenire  conspiciamus,  et  sua  pervicacia  tantum  exitium  in  se  accersere  quod  nos  horrere  oporteat,  quum  in  oculos  incurrit.  Superest  vero  ete.  HOMILIA  LVIL  CAP.  XVI.  1.  Dixitque  Dominus  ad  Samuelem:  Usque  quo  tu  luges  Saul,  quum  ego  proiecerim  eum  ne  regnet  super  Israel?  Imple  cornu  tuum  oleo,  et  veni  ut  mittam  te  ad  Isai  Bethlehemitem  :  providi  enim  in  filiis  eius  mihi  regem.  2.  Et  ait  Samuel:  Quomodo  vadam?  audiet  enim  Saul,  et  interficiet  me.  Et  ait  Dominus:  Vitulum  de  armento  tolles  in  manu  tua,  et  dices  :  Ad  immolandum  Domino  veni.  Nondum  ad  regni  Saulis  finem  pervenimus,  et  nihilominus  tamen  hic  videmus  Deum  de  successore  populo  suo  providisse,  licet  nondum  illum  in  regni  possessionem  esset  missurus.  Et  supra  vidimus  etiam  eadem  ratione  Saulem,  non  statim  postquam  a  Deo  per  Samuelem  esset  rex  designatus  in  sedem  regiam  evectum  fuisse:  sed  aliquamdiu  in  abiecta  illa  et  humili  conditione  in  qua  privatus  in  aedibus  paternis  vixerat  remansisse,  et  ut  bubulcum  et  agricolam  terram  coluisse.  Idem  et  Davidi  hoc  loco  contigisse  docemur.  Neque  enim  primo  quoque  tempore  unctio  ipsius  suum  effectum  sortita  est:  sed  servo  fideli  suo  Samueli  Deus  indicare  voluit,  se  non  ideo  quod  Saulem  reiecerat  populi  sui  curam  omnem  abiecisse,  neque  oblivioni  tradidisse,  ac  proinde  neque  propterea  fore  conditionem  ecclesiae  deteriorem.  Atque  hic  est  verborum  illorum  sensus,  Deum  Israelis  non  mentiturum,  neque  etiam  poenitentia  ductum  iri.  Quaecumque  igitur  conversiones  commutationesque  rerum  accidant,  tamen  earum  eventum  ita  moderaturum  Deum  sciamus,  ut  suorum  semper  recordetur