27:147  147  SERMON  LXXIX.  148  de  nostre  salut,  et  la  promesse  est  accomplie,  et  a  son  effect  et  vertu,  quand  de  nostre  coste  nous  respondrons  un  bon  amen  :  et  encor  que  cela  ne  se  dise  point  de  bouche,  que  le  coeur  parle:  car  c'est  aussi  le  principal.  Il  est  vray  que  si  nous  avons  la  foy  enracinee  au  coeur,  il  faut  bien  aussi  que  la  bouche  s'accorde:  comme  il  est  dit  au  Pseaume:  Pay  creu,  et  pourtant  ie  parleray:  et  que  S.  Paul  l'allegue  aux  Corinthiens.  Mais  maintenant  ie  parle  de  la  ceremonie:  que  si  nous  n'avons  point  une  montagne  de  Garizim,  une  montagne  d'Hebal,  que  nous  ne  venions  point  tous  ensemble  nous  departir  en  deux  osts,  et  qu'il  n'y  ait  point  une  arche  visible  au  milieu  de  nous:  que  c'est  assez  que  Dieu  ait  declaire  cela  une  fois,  et  qu'il  nous  en  ait  mis  un  memorial  devant  les  yeux,  afin  qu'auiourd'huy  nous  sachions  que  cela  nous  attouche,  et  que  si  on  nous  presche  l'Evangile  au  nom  de  nostre  Seigneur  Iesus  Christ,  c'est  autant  comme  si  nous  avions  ratifie  par  un  amen,  que  Dieu  nous  est  pere.  Et  voila  comme  nous  sommes  receus  pour  ses  enfans,  comme  nous  sommes  asseurez  de  l'heritage  du  royaume  des  cieux.  Car  autrement,  comme  se  feroit-il  que  nous  qui  sommes  miserables  creatures,  puissions  parvenir  en  une  telle  dignite,  que  Dieu  nous  vueille  gagner  par  douceur,  et  qu'il  nous  declaire  la  bonne  amour  qu'il  nous  porte,  et  qu'il  veut  que  nous  soyons  siens,  afin  d'estre  possede  de  nous?  Ne  faut-il  pas  que  nous  soyons  plus  que  pervers,  si  nous  ne  faisons  nostre  profit  d'une  telle  grace?  Et  ainsi  apprenons  de  respondre  un  bon  Amen,  quand  nostre  Seigneur  nous  propose  ses  benedictions.  Et  au  contraire,  combien  que  nous  ayons  le  coeur  endurci,  et  que  nous  fermions  les  dents,  que  nous  les  grincions  mesmes  a  l'encontre  de  Dieu  comme  par  despit,  et  par  rage,  si  faudra-il  qu'il  y  ait  un  Amen  qui  soit  la  dedans,  pour  nous  brusler  comme  un  cautere  :  que  Dieu  monstre  que  sa  parolle  est  un  feu  ardent  pour  tout  consommer,  qu'il  faudra  que  nous  sentions  une  bruslure  la  dedans,  quand  Dieu  desployera  la  vertu  de  sa  parolle:  que  nous  serons  en  inquietude,  et  en  torment  perpetuel,  quand  il  nous  sera  contraire.  Mais  cependant  il  faut  que  les  fideles  respondent  Amen,  tant  aux  benedictions  qu'aux  maledictions.  Amen  pour  embrasser  la  grace  de  Dieu  qui  nous  est  offerte.  Dieu  se  presente-  il  ainsi  a  nous?  vient-il  nous  cercher,  quand  nous  sommes  du  tout  perdus,  et  desesperez?  descend-  il  iusques  a  ces  miseres  si  horribles  ou  nous  sommes  plongez?  Et  bien,  c'est  a  nous  de  venir  a  luy,  et  que  nous  ne  soyons  pas  si  pervers  de  nous  en  reculer  quand  il  nous  y  convie  si  humainement.  Yoila  donc  comme  il  nous  faut  respondre  Amen  aux  benedictions,  pour  embrasser  la  grace  du  S.  Esprit:  afin  que  par  icelle  nous  soyons  conduits  et