21:147  147  THEODORI  BEZAE  148  tur,  quidam  ex  factiosis  Bertelerius  nomine,  homo  proiectae  penitus  impudentiae,  cui  ob  multa  flagitia  presbyterium  mensa  Domini  interdixerat,  in  senatum  venit  postulatque  ex  autoritate  senatus  absolvi  :  quod  si  factum  esset,  ambigi  non  poterat  quin  mox  solutis  ecclesiasticae  disciplinae  vinculis  omnia  statim  diffluerent.  Itaque  obstat*)  sedulo  fortiterque  presbyterii  nomine  Calvinus  ostenditque  magistratum  sacrarum  legum  vindicem,  non  destructorem  esse  oportere:  nihil  denique  eorum  praetermittit,  quae  tanti  momenti  contentio  flagitabat.  Vincebant  tamen  eorum  falsi  clamores,  qui  presbyterium  aiebant  sibi  in  quibusdam  magistratus  imperium  arrogare,  adeo  ut  in  diacosiorum  consilio  statueretur,  ultimum  excommunicationis  iudicium  ad  senatus  cognitionem  pertinere,  ut  quos  vellet  absolveret.  In  quam  sententiam  a  senatu,  parum  tum  ad  eam  rem  adtento,  obreptitie  absolutorias  literas  sigillo  reipublicae  communitas  Bertelerius  obtinuit.  Ac  sperabat  tum  Perrinus  cum  suis  alterum  sequuturum:  nempe  ut  vel  Calvinum,  nisi  mandato  senatus  pareret,  per  tumultum  opprimeret,  vel  si  pareret  nullo  postea  negotio  presbyterii  autoritatem  omnem,  id  est  nequitiae  ipsorum  fraenum  abrumperet.  At  Calvinus,  quamvis  biduo  duntaxat  ante  coenam  Domini  mense  Septembri  de  more  celebrandam  de  hoc  facto  commonefactus,  inter  concionandum  elata  voce  ac  manu  multa  de  sacris  mysteriis  in  eorum  contemptores  loquutus  :  At  ego  (inquit)  Chrysostomum  sequutus2)  occidi  me  potius  patiar,  quam  haec  manus  Dei  [C  2]  contemptoribus  3)  iudicatis  sancta  Domini  porrigat.  Haec  vox,  mirum  dictu,  tantum  potuit  apud  illos  quantumvis  effraenes,  ut  Perrinus  statim  clanculum  Bertelerio  mandaret,  ne  ad  mensam  accederet,  sintque  mysteria  non  sine  tremore  quodam,  quasi  numen  ipsum  in  conspectu  adesset,  miro  silentio  celebrata.  A  prandio  vero  Calvinus  locum  illum  insignem  Actorum  Apostolicorum  forte  tractans,  in  quo  Paulus  ecclesiae  Ephesinae  maledicit,  testatus  se  eum  non  esse,  qui  adversus  magistratum  pugnare  sciret  aut  doceret,  coetumque  multis  verbis  cohortatus  ut  in  ea  quam  audivisset  doctrina  perseveraret,  tandem  veluti  postremam  hanc  concionem  Genevae  habiturus,  et  quandoquidem  (inquit)  ita  se  res  habent,  liceat  mihi  quoque,  fratres,  apud  vos  haec  Apostoli  verba  usurpare:  Commendo  vos  Deo  et  sermoni  gratiae  ipsius  (Act.  20,  v.  32).  Quae  voces  tum  sceleratos  illos  mirifice  perculerunt,  tum  bonos  etiam  tanto  magis  serio  officii  admonuerunt.  Postridie  Calvinus  cum  collegis  et  presbyterio  a  senatu,  tum  etiam  a  diacosiis  constanter  postulavit,  1)  Intercedit  igitur  (rece.)  2)  add.  vim  quidem  non  opponam,  sed  ultro  me  potius  occidi  caett.  3)  add.  rite.