9:146  simul  ac  Westphali  pervicaciam  flecti  contigerit,  nullam  in  me  fore  moram,  quo  minus  fraterna  inter  nos  benevolentia  coalescat:  imo  si  nunc  fratris  animum  induere  sustineat,  vicissim  eum  loco  fratris  amplecti  sum  paratus.  Sed  iniqua  imponitur  conditio,  ut  sanctae  veraeque  doctrinae  confessionem  abiiciam,  qua  mercede  ne  cum  toto  quidem  mundo  pax  redimenda  esset.  Ac  ne  ad  taedium  usque,  et  sine  ullo  profectu  litigemus,  ad  hoc  unum  caput,  in  quo  tota  controversia  vertitur,  animum  [pag.  16]  referant  lectores.  Sibi  quidvis  in  nos  licere  vult  Ioachimus,  quia  veram  doctrinam,  ut  ipse  ait,  contra  impium  errorem  defendat.  Hoc  ubi  probaverit,  nobis  quiescendum  esse  fateor.  Si  autem  quod  falso  sibi  arrogat  vere  in  me  competere  doceo  et  ostendo,  nempe  fidelem  me  purae  sanctaeque  doctrinae  patronum  esse,  et  fidelem  operam  impendere,  non  modo  refutando  impio  errori,  sed  etiam  diluendis  atrocibus  maledictis:  cur  non  eadem  mihi  dabitur  libertas?  De  re  igitur  ipsa  fiat  iudicium,  ne  frustra  vel  ego  vel  ille  aerem  verberemus.  Quid  iam  obstat,  quominus  inter  sanctum  zelum  et  conviciandi  libidinem  certo  distinguant  lectores,  nisi  quod  Westphalus  sordidum  integumentum  clarae  luci  opponit,  librum  meum  verborum  amaritudine  refertum  esse  clamitans?  Quanquam  hic  quoque  obiter  hominis  socordiam  cum  pari  impudentia  notare  operae  pretium  est  Prioribus  meis  scriptis  hominem  ad  moderatam  [pag.  17]  disputandi  formam  revocare  cupiens,  turpe  et  absurdum  esse  dixeram,  tam  superbe  et  proterve  nobis  insultare.  Ferociter  respondit  ille,  contra  haereticos  quam  acerrime  pugnandum  esse:  adeoque  non  esse  agendum  composito  vel  sedato  stylo,  ut  quo  quisque  maiori  ardore  in  hoc  genere  certaminis  fertur,  hinc  animosior  probetur  Christi  miles.  Denique  quoscunque  potuit  colores  tunc  induxit  ad  excusandam  non  modo  vehementiam,  sed  iracundiae  rabiem.  Quid  autem  nunc?  Paulus,  inquit,  inobedientes  existimari  noluit  inimicos,  sed  tanquam  fratres  voluit  corripi.  Profert  etiam  ex  Ambrosio  et  Gregorio  Nazianzeno  mansuetudinis  elogia.  Quisquis  duos  istos  locos  inter  se  conferet,  non  modo  hominem  hunc  tam  varium,  sibique  ipsi  dissimilem  memoria  et  sana  mente  excidisse  dicet,  sed  facile  videbit  nulla  ingenuitate  praeditum,  sophistice  nunc  hoc  nunc  illud  tuendum  arripere,  et  inani  garritu  [pag.  18]  virtutes  transformare  in  vitia.  Quaeso,  Ioachime,  si  unquam  serio  dixisses  in  coarguendis  erroribus  severitati  minime  parcendum  esse,  an  nunc  turpem  palinodiam  canendo,  rigorem  quem  sancti  zeli  laude  ornaveras,  ad  rne  invidia  gravandum  damnares?  Interea  bonus  hic  caritatis  assertor  et  magister,  qui  eam  fas  esse  negat  verbulo  violari,  quoscunque  nobis  favere  compertum  fuerit,  toto  orbe  exterminandos  clamitat:  gloriatur  so  scripsisse;  nos  10