8:146  sa  vertu  disant  qu'on  avoit  adiouste  eternellement  r  adioustant  plusieurs  autres  calomnies  et  blasphemes  par  lesquelz  il  monstroit  bien  le  venin  quil  avoit  cache  en  son  cueur  espiant  l'heure  de  opportunite  de  le  vomir  en  public  comme  il  avoit  desia  tasche  en  plusieurs  lieux  en  particulier.  Sur  le  champ  luy  fut  respondu  par  M.  Calvin  lequel  feit  remonstrance  de  ceste  doctrine  qui  avoit  este  ia  si  long  temps  enseignee  fidellement  en  l'Eglise  avec  commun  consentement  de  tous  ceux  qui  Tont  edifiee  depuis  le  commencement  de  l'Evangile  et  de  point  en  point  luy  fut  respondu  a  toutes  ses  calomnies  tellement  que  l'assemblee  fut  satisfaicte  et  grandement  edifiee  par  la  doctrine  laquelle  il  desduict  sur  les  passages  qui  appartiennent  a,  l'election  et  reprobation.  -Aprez  la  congregation  finie  un  des  assistantz  du  lieutenant  qui  estoit  la  present  a  scavoir  le  S.  Iehan  de  la  Maison  neufve  voyant  le  scandale  que  ledit  Hierosme  avoit  faict  en  l'Eglise  et  les  blasphemes  qu'il  avoit  prononces  contre  Dieu  et  sa  doctrine  disant  que  nous  en  faisions  une  idole  le  feit  mener  prisonnier  en  l'evesche.  Et  luy  fut  commence  son  proces  comme  a  telles  gens  on  a  accoustume.  Les  freres  tant  de  la  ville  que  des  champs  s'assembleront  aprez  disner  pour  adviser  sur  cest  affaire  et  furent  dadvis  qu'on  devoit  recueillir  en  sommaire  les  principaux  poinctz  que  ledit  Me.  Hierosme  avoit  proposez.  Davantage  qu'on  devoit  presenter  a  Messieurs  requeste  au  nom  desditz  freres  avec  articles  pour  faire  interroger  ledit  Me.  Hierosme  touchant  ladite  matiere  d'election  et  reprobation.  Ce  qui  fut  faict  incontinent  et  lors  lesdits  articles  furent  signez  par  tous  ceux  qui  estoient  presentz  et  portez  par  devant  Messieurs.  10