58:146  bouche  ouverte  pour  remonstrer  l'offense  a  ceux  qui  nous  aurons  fait  iniure:  non  pas  pour  nous  revenger  en  les  condamnant,  mais  afin  qu'ils  ne  se  flattent  point  en  leurs  fautes,  comme  c'est  un  mal  trop  ordinaire  entre  les  hommes.  Voila  donc  un  poinct  que  nous  avons  a  noter:  C'est  que  la  patience  des  fideles  n'est  point  incompatible  ne  repugnante  a  ce  qu'ils  ne  remonstrent  franchement,  Vous  m'avez  fait  tort,  et  vous  avez  offense  Dieu  et  n'aviez  point  occasion  de  faire  ainsi:  et  cependant,  qu'ils  ayent  tousiours  esgard  au  salut  de  ceux  lesquels  mesmes  les  ont  persecutez,  et  leur  ont  este  ennemis.  Car  ceste  reproche  que  fait  Isaac  il  est  certain  que  c'est  comme  une  admonition,  par  laquelle  il  procure  le  bien  et  le  salut  de  ceux  ausquels  il  parle  si  rudement  :  car  s'il  eust  dissimule,  quel  profit  en  fust-il  venu?  Les  autres  eussent  estime  que  c'estoit  hipocrisie,  s'il  eust  fait  semblant  de  se  contenter  d'eux,  et  qu'il  n'eust  eu  que  miel  en  la  bouche,  pour  dire,  Voila  il  est  ainsi:  Abimelech  se  sentant  estre  coulpable,  eust  estime,  Voici  un  homme  double,  et  qui  est  menteur.  Voila  que  gagnent  ceux  qui  dissimulent  tant,  et  font  bonne  mine.  Ainsi  donc,  les  enfans  de  Dieu  encores  qu'ils  soyent  patiens,  et  quils  soyent  tous  prests  de  quitter  toutes  iniures,  qu'ils  n'aient  point  leur  coeur  aucunement  aigri  contre  leurs  ennemis,  si  est-ce  que  souvent  ils  ne  laisseront  point  de  dire,  Voila  enquoy  vous  m'avez  fait  tort:  et  c'est  pour  monstrer  qu'ils  y  vont  en  simplicite  et  rondeur.  Ceste  fin  doit  estre  tousiours  retenue  :  C'est,  quand  on  nous  aura  fasche,  qu'on  nous  aura  fait  quelque  iniure  et  extorsion,  qu'encores  nous  procurions  le  bien  de  nos  ennemis,  et  que  les  reproches  et  accusations  que  nous  leur  faisons,  soyent  autant  d'advertissemens  pour  les  ramener  au  droit  chemin,  et  les  toucher:  afin  qu'ils  ne  soyent  point  endurcis  ni  obstinez,  et  qu'a  l'avenir  ils  soient  mieux  avisez,  et  qu'ils  ne  bataillent  point  a  l'encontre  de  Dieu,  en  pensant  avoir  a  faire  aux  hommes:  comme  il  est  vraysemblable  qu'en  ce  qu'Isaac  a  fait  ici  il  a  voulu  ainsi  pourvoir  au  temps  avenir.  Car  il  nous  sera  bien  licite,  quand  nous  aurons  endure  quelque  iniure,  de  faire,  entant  qu'en  nous  sera,  que  nous  en  soions  exemptez  Car  combien  que  nostre  Seigneur  lesus  Christ  nous  commande  d'estre  prests,  quand  nous  aurons  receu  un  soufflet,  de  presenter  l'autre  ioue,  ce  n'est  pas  qu'il  nous  faille  aller  irriter  nos  ennemis,  et  leur  donner  occasion  de  nous  molester.  Nous  devons  fuir  cela  tant  qu'il  nous  sera  possible:  et  par  tous  bons  moiens  et  amiables,  nous  devons  empescher  la  malice  de  ceux  qui  n'ont  nulle  crainte  de  Dieu.  Isaac  donc  a  regarde  a  soy  en  cest  endroit:  mais  ce  n'a  pas  este  pour  avoir  sa  revenge,  ne  pour  rendre  la  pareille:  il  s'est  contente  seulement  de  mettre  barre  a  tous  ceux  qui  l'avoient  mal  traite  et  iniquement  10