52:146  evangelium  Dei,  cum  multo  certamine.  3.  Nam  ex*  hortatio  nostra  non  ex  impostura,  neque  ex  immunditia,  neque  in  dolo:  4.  sed  quemadmodum  probati  fuimus  a  Deo  ut  crederetur  vobis  evangelium,  sic  loquimur,  non  quasi  hominibus  placentes,  sed  Deo  qui  probat  corda  nostra.  1.  Ipsi  enim  nostis.  Nunc  omisso  aliarum  ecclesiarum  testimonio,  in  memoriam  revocat  Thessalonicensibus  quae  ipsi  experti  erant:  ac  fusius  exponit  qualiter  se  gesserit  apud  eos,  et  similiter  alii  duo  collegae:  quia  hoc  plurimum  habebat  ponderis  ad  confirmandam  eorum  fidem.  Nam  hoc  consilio  suam  integritatem  praedicat,  ut  Thessalonicenses  se  non  tam  ab  homine  mortali  quam  a  Deo  ad  fidem  fuisse  vocatos  agnoscant.  Dicit  ergo  suum  ad  eos  ingressum  non  fuisse  inanem,  ut  ambitiosi  homines  multum  pompae  ostendunt,  quum  nihil  habeant  solidi:  nam  inane  actuoso  hic  opponit.  Probat  hoc  duobus  argumentis.  Prius  est  quod  Philippis  persequutionem  et  ignominiam  sustinuerat.  Alterum,  quod  Thessalonicae  magnum  certamen  paratum  erat.  Scimus  ignominia  et  persequutionibus  debilitari,  adeoque  penitus  frangi  hominum  animos.  Divinum  itaque  opus  fuit,  quod  Paulus  variis  malis  et  ignominia  affectus,  quasi  integer,  magnam  et  opulentam  urbem  aggredi  non  dubitavit,  ut  eius  populum  Christo  subiugaret.  In  hoc  ingressu  nihil  cernitur  quod  vanam  ostentationem  redoleat.  In  secundo  membro  eadem  vis  divina  inspicitur:  neque  enim  cum  applausu  aut  favore  munus  suum  obiit,  sed  opus  fuit  acriter  luctari.  Interea  stetit  firmus  ac  imperterritus:  unde  apparet,  manu  Dei  fuisse  suffultum.  Nam  hoc  significat,  quum  dicit  se  fi  d  u*  ciam  sumpsisse.  Et  sane  si  omnes  istae  circumstantiae  diligenter  expendantur,  negari  non  potest  quin  magnifice  Deus  suam  illic  virtutem  exseruerit.  Quantum  ad  historiam  pertinet,  petenda  est  ex  Actorum  capite  16  et  17.  3.  Nam  exhortatio  nostra.  Alio  argumento  Thessalonicenses  in  suscepta  fide  confirmat:  quod  scilicet  fideliter  ac  pure  in  verbo  Domini  instituti  fuerint:  suam  enim  doctrinam  omni  deceptione  et  immunditia  vacuam  fuisse  asserit.  Atque  ut  tollatur  omnis  huius  rei  dubitatio,  conscientiam  eorum  testem  advocat.  Tria  porro,  quae  commemorat,  sic  videntur  posse  distingui:  ut  i  m  p  o  s  t  u  r  a  ad  ipsam  doctrinae  substantiam  referatur,  i  m  m  u  n  d  i  t  i  e  s  ad  animi  affectum,  dolus  ad  modum  agendi.  Primo  itaque  delusos  fuisse  aut  fallaciis  circumventos  negat,  quum  genus  doctrinae  amplexi  sunt  a  se  traditum.  Suam  deinde  integritatem  praedicat,  quod  nulla  impura  cupiditate,  sed  sincero  tantum  affectu  inductus,  ad  eos  venerit.  Tertio,  quod  nihil  fraudulenter  aut  malitiose  egerit:  sed  potius  simplicitatem  exhibuerit  dignam  Christi  ministro.  Haec  10