51:146  dicando  eos  armare,  ne  fidem  suam  concuti  sinerent  a  pseudoapostolis:  quasi  dubia  esset  ipsorum  vocatio,  et  alia  salutis  ratio  quaerenda.  Simul  autem  docet  in  quo  consistat  plena  salutis  certitudo,  nempe  quum  Deus  per  evangelium  nobis  suum  amorem  patefacit  in  Christo.  Verum  quo  maior  confirmatio  accedat,  ad  primam  causam  eos  revocat,  et  quasi  fontem:  nempe  aeternam  electionem  Dei,  qua,  nondum  nati,  adoptamur  in  filios:  ut  sciant  aeterno  Dei  et  immutabili  decreto  se  salvos  fuisse  factos,  non  fortuito  aliquo  casu  aut  repentina  occasione.  Verbum  autem  benedicendi  hic  varie  accipitur  prout  vel  ad  Deum  refertur,  vel  ad  homines.  Reperio  autem  quadruplicem  significationem  in  scriptura.  Nostra  erga  Deum  benedictio  laudis  est,  dum  eius  beneficentiam  praedicamus.  Deus  autem  nobis  dicitur  benedicere,  quum  felicem  rebus  nostris  dat  successum  et  nos  sua  beneficentia  prosequitur,  ita  ut  bene  et  prospere  sit  nobis.  Ratio  est,  quia  solo  eius  nutu  beati  sumus.  Ideo  notanda  est  loquutio,  qua  eleganter  exprimit  quantum  subsit  virtutis  in  solo  eius  verbo.  Homines  sibi  mutuo  benedicunt  precando.  Sacerdotalis  benedictio  erga  ecclesiam  et  unumquemque  fidelium  ultra  precationem  hoc  quoque  habet,  quod  testimonium  et  quasi  pignus  est  divinae  benedictionis.  Quia  haec  legatio  sacerdotibus  est  commissa,  ut  benedicant  in  nomine  Domini.  Paulus  ergo  hic  Deum  benedicit  laudis  confessione,  quia  nos  b  e  n  e  d  i  x  e  r  i  t  ,  hoc  est  locupletaverit  omni  benedictione  vel  gratia.  Non  repugno  Chrysostomo  quin  epithetum  s  p  i  r  i  t  u  a  l  i  s  contineat  tacitam  antithesin  inter  mosaicam  et  Christi  benedictionem.  Lex  enim  habuit  suas  benedictiones,  sed  perfectio  non  est  nisi  in  Christo:  quia  hic  perfecta  est  revelatio  regni  Dei,  quae  nos  recta  in  coelum  ducit.  Proinde  nihil  opus  figuris,  ubi  eorpus  ipsum  est  exhibitum.  Quum  dicit  in  coel  e  s  t  i  b  u  s  ,  non  multum  refert  subaudias  locis  an  bonis.  Tantum  voluit  indicare  praestantiam  gratiae,  quae  per  Christum  nobis  confertur,  quia  scilicet  non  in  mundo,  sed  in  coelo  et  vita  aeterna  nos  faciat  beatos.  Habet  quidem  religio  christiana  (ut  alibi  docet,  1.  Tim.  4,  8)  promissiones  non  futurae  vitae  modo,  sed  etiam  praesentis.  Scopus  tamen  est  spiritualis  felicitas  :  sicuti  Christi  regnum  est  spirituale.  10