44:146  Sed  particula  IOJID  referri  debet  ad  electos.  Etsi  enim  Deus  horribili  illa  vindicta  consumpserit  totum  fere  populum,  reliquiae  tamen  servatae  sunt,  ut  scimus.  Haec  ratio  est  cur  dicat  Deus  se  mediocriter  iratum  fuisse  populo  suo.  Neque  enim  loquitur  de  reprobis,  et  de  illa  impura  faece,  qua  voluit  purgare  domum  suam:  sed  respicit  ad  foedus  suum.  Nunc  tenemus  quo  consilio  dicat  Zacharias  Deum  modice  iratum  fuisse  populo  suo,  sed  occurrit  etiam  alia  dubitatio,  quo  sensu  dicat  gentes  adiuvisse  in  malum.  Nam  hinc  sequetur  non  fraenatas  fuisse  profanas  gentes  quominus  saevierint  absque  modo,  et  pro  sua  libidine.  Et  hunc  etiam  locum  arripuit  nebulo  ille  qui  scripsit  nuper  contra  Dei  providentiam,  quasi  impii  lasciviant  et  non  cohibeantur  manu  et  potentia  Dei.  Sed  hoc  nimis  insulsum  est,  quia  non  respicit  hic  propheta  quid  potuerint  gentes,  vel  quid  effecerint:  sed  loquitur  potius  de  truculentia  eorum,  quod  scilicet  putaverint  nullum  debere  finem  fieri,  donec  abolita  esset  populi  illius  memoria.  Et  haec  ratio  est  cur  dicat  apud  Iesaiam,  Tu  non  spectasti  finem  illius.  Exprobrat  ergo  incredulis,  quod  non  reputarent  secum  finem  ecclesiae,  quia  increduli  furiose  conati  sunt  perdere  ecclesiam,  quasi  irrita  esset  illa  promissio,  Misericordiam  meam  non  auferam.  Quoniam  ergo  finem  non  spectarunt  increduli,  quod  Dominus  vellet  semper  habere  aliquas  reliquias  in  electo  populo  incolumes,  haec  ratio  est  cur  dicat  propheta  ipsos  adiuvisse  in  malum.  Nunc  ergo  tenemus  prophetae  mentem  :  et  videmus  nihil  aliud  agi  nisi  ut  se  bona  fiducia  sustentent  fideles,  donec  re  ipsa  appareat  quod  nunc  audiunt  proferri  ex  ore  Dei.  Pergamus:  16.  Propterea  sic  dicit  Iehova,  Beversus  sum  ad  Ierusalem  in  miserationibus:  domus  mea  aedificabitur  in  ea,  dicit  Iehova  exercituum:  et  linea  extendetur  super  Ierusalem.  Confirmatio  est  proximi  vaticinii,  quod  scilicet  Deus  iam  finem  imponere  velit  castigationi  suae,  sicuti  dicitur  apud  Iesaiam,  Recepit  de  manu  Iehovae  duplicia  pro  omnibus  peccatis  suis.  His  enim  verbis  admonet  Deus  se  contentum  esse  poenis,  quas  inflixerat  populo  suo:  quemadmodum  pater  existimat  se  plus  satis  fuisse  severum  ac  rigidum,  ubi  filium  suum  percussit.  Ita  nunc,  Sic  dicit  Iehova,  Beversus  sum  ad  Ierusalem  in  miserationibus.  Necesse  enim  fuit  spem  dari  veniae,  et  reconciliationis  populo,  ut  bene  speraret.  Hypocritae  facile  attollunt  cristas,  simul  ac  verbum  aliquod  blandum  ipsis  obiicitur  :  sed  fideles  qui  sibi  male  conscii  sunt,  et  quibus  sua  peccata  ante  oculos  versantur,  non  tam  facile  erigunt  animos,  donec  persuasi  sint  sepulta  esse  ipsorum  peccata,  et  ipsos  esse  exemptos  a  reatu.  Ergo  propheta  dicit  Deum  conversum  esse  10