42:146  temps  qu'elle  soit  comme  ensevelie,  et  qu'elle  soit  inconneue  au  monde,  il  dit  donc,  scache  que  cette  revelation  que  ie  t'ai  donnee  est  un  thresor  excellent,  il  est  vray  que  du  premier  iour  cela  ne  se  monstrera  pas,  mais  il  faut  qu'il  soit  fait.  Neantmoins  quand  on  cache  un  thresor  en  terre,  ce  n'est  pas  a  fin  qu'il  demeure  tousiours  cache,  ce  n'est  pas  aussi  a  fin  qu'il  soit  perdu,  mais  que  puis  apres  qu'il  soit  mis  en  usage:  l'ange  donc  dit  a  Daniel  cette  prophetie  sera  cachee  pour  un  temps,  toutesfois  garde  la  bien,  advise  de  la  tenir  en  cachet,  et  en  secret,  iusques  au  temps  defini  et  elle  servira,  et  Dieu  monstrera  que  c'a  este  pour  l'instruction  de  son  peuple,  qu'il  l'aura  donnee.  Quand  on  clorra  des  lettres,  ce  n'est  pas  a  dire  qu'on  ne  voie  iamais  ce  qui  est  dedans,  mais  elles  seront  leues  puis  apres,  quand  les  lettres  sont  enfermees  dans  un  coffre,  ce  n'est  pas  a  dire  que  iamais  on  ne  les  voie,  mais  c'est  pour  les  produire  en  temps  et  lieu,  pour  s'en  servir  au  besoin.  Ainsi  donc  Dieu  declare  par  son  ange,  que  cette  prophetie  aura  son  usage  autre  que  Daniel  ne  pouvoit  pas  concepvoir  pour  ce  temps  la.  Ainsi  en  somme  il  dit  qu'il  faut  que  Daniel  soit  diligent  a  recueillir,  et  qu'il  soit  comme  secretaire  de  Dieu,  pour  enregistrer  cette  prophetie  qu'il  ha  entendue  de  la  bouche  de  Fange,  et  sur  cela  qu'il  attende  qu'il  en  face  plus  ample  declaration.  Voila  une  doctrine  bien  utile  que  cette  ci,  car  les  ministres  de  la  parole  de  Dieu,  pourroient  tous  les  coups  perdre  courage,  quand  ils  voient  que  leur  doctrine  est  si  mal  receue  du  monde,  qu'il  y  en  ha  beaucoup  qui  empirent,  quand  on  leur  presche  l'Evangile,  les  autres  en  abusent,  ie  ne  scai  comment,  en  hypochrisie  ou  en  vie  dissolue,  les  autres  n'en  tiennent  compte,  il  y  en  ha  d'autres  qui  sont  du  tout  obstines,  et  qui  s'enveniment  tellement  a  l'encontre,  qu'on  ne  leur  en  scauroit  faire  entendre  un  mot:  quand  donc  nous  voions  une  telle  perversite  nous  pourrions  perdre  courage,  et  puis  c'est  un  grand  scandale,  quand  la  parole  de  Dieu  est  si  mal  receue,  qu'il  y  ha  si  peu  de  reverence.  Ii  faut  donc  qu'il  nous  souvienne  de  ce  qui  est  ici  dit,  cachette  la  prophetie  et  la  tiens  en  secret,  et  c'est  aussi  comme  Dieu  parloit  au  prophete  Isaie,  Cachette  ma  loy  entre  mes  disciples,  pource  que  la  plus  grand  part  du  peuple  estoit  rebelle  a  Dieu,  le  prophete  Isaie  eust  peu  penser  que  c'estoit  chose  superflue,  de  plus  enseigner  le  peuple,  et  de  faire  office  de  prophete,  pource  qu'il  voit  qu'il  y  en  avoit  un  si  petit  nombre  qui  se  contenoit  en  la  foy,  nostre  Seigneur  luy  dit,  ne  laisse  point  pourtant  de  recueillir  ma  doctrine  que  ie  t'ai  commise,  qu'elle  soit  comme  une  lettre  clause,  qui  s'adressera  comme  a  deux  ou  a  trois,  que  vous  la  lisies  entre  vous,  et  cependant  que  vous  la  gardies  comme  un  thresor  precieux,  si  10