27:146  royent  comme  tesmoins  qui  stipuleroyent  au  nom  de  tout  le  peuple.  Comme  s'il  y  avoit  deux  parties  qui  feissent  quelque  contract  solennel,  le  Notaire  sera  la  au  milieu  pour  les  faire  iurer:  ainsi  Dieu  avoit  ordonne  que  le  peuple  fust  la  pour  ouyr,  et  recevoir  la  doctrine  de  salut,  et  qu'il  respondist  de  son  coste,  comme  s'il  eust  passe  un  contract  solennel,  afin  qu'il  cogneust  a  quelle  condition  il  estoit  choisi  de  Dieu,  et  prefere  devant  toutes  les  nations  de  la  terre,  comme  il  sera  monstre  encores  en  ce  chap.  27.  Or  les  benedictions  quelles  estoyent-elles  ?  On  recitoit  ce  que  Dieu  avoit  prononce:  Tous  ceux  qui  observeront  ma  Loy,  seront  benits:  Tous  ceux  qui  m'adoreront  en  pure  conscience,  seront  benits:  Tous  ceux  qui  sanctifieront  mon  nom,  seront  benits:  Tous  ceux  qui  obeiront  a  pere  et  a  mere,  seront  benits:  Tous  ceux  qui  vivront  chastement,  seront  benits:  Tous  ceux  qui  s'abstiendront  de  fraude,  de  rapine,  et  de  tout  mal,  seront  benits.  Dieu  donc  promettoit  ainsi  sa  benediction  de  son  coste.  Le  peuple  sur  cela  respondoit:  Amen,  amen,  c'est  a  dire,  ainsi  soit-il,  ratifiant  ce  qui  avoit  este  prononce  de  la  bouche  de  Dieu.  Et  puis  a  l'opposite  on  prononcoit  les  maledictions  en  la  montagne  d'Hebal:  Maudit  soit  celuy  qui  se  sera  destourne  apres  les  dieux  estranges:  Maudit  soit  celuy  qui  aura  vilipende  pere  ou  mere:  Maudit  soit  celuy  qui  aura  transgresse  ou  en  larrecin,  ou  en  paillardise:  Maudit  soit  celuy  qui  n'aura  accompli  tous  les  commandemens  qui  sont  ici  contenus.  Amen,  amen,  disoit  le  peuple:  il  falloit  qu'un  chacun  rcspondist  Amen,  quand  les  maledictions  estoyent  ainsi  prononcees.  Voila  donc  ce  qui  est  dit  en  ce  passage.  Et  notons  que  Dieu  a  voulu  toucher  plus  au  vif  le  peuple  par  ce  moyen-la,  quand  il  avoit  ainsi  accorde  une  telle  paction.  Or  ceci  nous  appartient:  car  combien  que  nous  n'ayons  pas  la  ceremonie  qui  fut  observee  alors,  si  est-ce  que  nous  avons  la  verite,  quoy  qu'il  en  soit,  et  toutes  fois  et  quantes  que  Dieu  nous  adresse  sa  parolle,  si  elle  n'est  receue  de  nous,  si  ne  tombera-elle  point  a  terre,  elle  demeurera  sur  nos  testes  en  despit  de  nos  dents:  et  ce  nous  sera  un  fardeau  insupportable  pour  nous  abysmer  au  profond  d'enfer.  Ainsi  advisons  quand  nous  recevons  la  parolle  de  Dieu  en  nos  coeurs,  que  nous  approuvions,  et  ratifions  la  promesse  qu'il  fera  de  nostre  salut.  Or  il  nous  adopte  pour  ses  enfans:  si  nous  sommes  ses  enfans,  nous  sommes  heritiers.  Quand  donc  nous  acceptons  par  foy  et  obeissance  la  parolle  qui  nous  est  preschee,  encores  que  la  bouche  ne  parle  point,  si  est-ce  que  nous  ratifions  la  verite  de  Dieu  a  nostre  salut,  comme  dit  S.  Iean:  Que  tous  ceux  qui  ont  creu  au  Fils  unique  de  Dieu,  ceux-la  ont  soubsigne  que  Dieu  est  veritable.  Voila  donc  comme  le  comble  10