21:146  constituendis  senatoribus  edicta  (quo  tamen  argumento  boni  etiam  sibi  tanto  melius  deinde  consuluerunt  ,  ita  illis  etiam  favente  Domino*)  refixerint,  nonnullos  senatu  moverint,  peregrinis  exsulibus  a  quibus  se  metuere  dicebant  arma  omnia,  exceptis  si  quando  urbe  egrederentur  ensibus,  ademerint,  adeo  ut  nihil  aliud  superesse  videretur,  quam  ut,  quum  omnia  in  potestate  haberent,  quae  toties  agitaverant  facile  exsequerentur.  Occasionem  autem  turbarum  alteram  quoque  Satan  tunc  obiecit.  Vetus  enim  ille  sacrae  triadis,  id  est  omnis  verae  deitatis  hostis,  adeoque  monstrum  ex  omnibus  quantumvis  rancidis  et  portentosis  haeresibus  conflatum,  Michael  Servetus,  postquam  aliquot  annis  huc  et  illuc  medicinam  faciens  oberrasset,  tectusque  Michaelis  Villanovani  nomine  illas2)  blasphemias  sparsisset,  edito  tandem  Viennae  Allobrogum  spisso  volumine3)  (cuius  excusor  fuit  Arnolletus  quidam  Lugdunensis  typographus,  corrector  autem,  ut  in  illis  officinis  vocant.  Gulielmus  quidam  Guerotius,  factiosis  Genevensibus  pridem  deditus,  sed  paucis  ante  mensibus  ut  scortationis  et  aliorum  flagitiorum  poenas  vitaret  Geneva  Lugdunum  profectus):  eo  inquam  edito  blasphemiarum  pleno  volumine  Servetus,  eoque  nomine4)  in  carcerem  Viennae  coniectus,  ac  inde  mox  nescio  quibus  artibus  elapsus  Genevam  fato  quodam  venerat,  alio  procul  transiturus,  nisi  Dei  providentia  factum  esset,  ut  mox5)  agnitus  Calvino  (cui  ille  iampridem  bene  notus  erat),6)  magistratum  admonente,  carceri  fuisset  mancipatus.  Quae  certamina  tum  quantisque  de  rebus  suscepta  fuerint,  ex  edito  libro  percipi  plenissime  potest.  Fuit  autem  horum  omnium  iste  exitus,  ut  tandem  perditus  ille  (cui  etiam  factiosorum  unus  tum  praetoris  assessor  in  aurem  insusurrasse  quiddam  credebatur,  quo  malum  perdito  homini  animum  obfirmaret)  a  vana  illa  sua  confidentia  proditus,  impietatis  et  infinitarum  blasphemiarum  ex  omnium  etiam  Helveticarum  ecclesiarum  sententia  damnatus,  XXVII.  Octobr.  nullo  edito  poenitentiae  signo  7)  infelix  vivus  cremaretur.  Sed  et  Farellus  eodem  anno  eousque  vi  morbi  fractus  ut  a  Calvino,  qui  Neocomum  ad  eum  visendum  venerat,  pro  mortuo  relinqueretur,  vitae  postea  praeter  spem  omnem  restitutus  ecclesiam  mox  recreavit.  Ita  plane  inter  spem  et  metum,  terminante  tamen  dolorem  laetitia,  annum  hunc  eatenus  exegimus.  Ecce  enim,  dum  haec  in  Serveti  causa  agun-  1^  Verba  parenthesi  inclusa  om.  recenti.  2)  horrendas  multas  eaedem��  3)  titulum  add.  recenti*  4)  eoque  nomine  om.  5)  add.  a  quodam.  6)  verba  parenthesi  inclusa  om.  rece.  7)  add.  frustra  supplicii  gravitatem  deprecante  pastorum  collegio.  10