10.1:146  faultz  ou  contumaces,  comme  il  la  este  dict,  il  ait  puissance  demprisonner.  Item  pour  transgression  des  cries  en  cas  que  le  delict  meritat  telle  poine,  pource  quil  est  executeur  des  cries.  Item  a  la  requeste  de  chascun  qui  se  fera  partie  formelle  contre  un  aultre,  se  constituant  personne  avec  luy.  Item  en  matiere  de  crime:  soit  deffors,  basterie  ou  violence:  si  le  plaintif  sadresse  a  luy  et  que  Ihomme  dont  on  se  plaint  soit  suspect  de  suitte.  Mais  si  cest  un  homme  resident  en  la  ville  aiant  biens  et  maison,  quil  ne  mecte  la  main  dessus  devant  que  lavoir  notifie  a  lun  des  syndicques  et  avoir  eu  sa  permission.  Au  reste  quil  nait  puissance  de  mectre  hors,  ne  deslargir  un  prisonnier  quil  aura  pris  pour  aultre  cause  que  civile  et  appartenante  a  son  tribunal:  et  mesme  que  incontinent  quil  en  aura  serre  un  au  cas  que  dict  a  este  quil  le  notifie.  De  lordrc  quil  doibt  tenir  en  proces  criminels.  Q  cie  qu;:  nt  ii  aura  mis  en  prison  un  homme  pour  plaintif,  ou  bien  que  les  Syndicques  luy  auront  notifie  quilz  lauront  pris,  que  dedans  xxiiij  heures  il  ait  a  linterroguer  et  communicquer  les  responses  ausdicts  syndicques.  Si  le  delinquent  se  trouve  criminel  sans  aulcune  difficulte,  et  quil  le  rende  pour  tel,  quil  ait  a  insister  a  lencontre,  pour  faire  expedier  le  proces.  Si  les  responses  premieres  nestoient  trouvees  suffisantes  par  les  Syndicques,  quil  poursuive  a  linterroguer,  iusque  a  ce  quil  le  puisse  rendre  entre  les  mains  des  Syndicques  pour  tel  que  raison  portera.  Quoy  quil  y  ait,  quil  ne  differe  point  plus  de  deux  iours  a  le  rendre.  Toutefois  que  cela  ne  soit  point  tenu  pour  sa  derniere  conclusion:  mais  depuis  quil  laura  rendu  quil  soit  instant  comme  procureur  du  publicq,  iusque  a  ce  que  la  sentence  soit  donnee.  Et  selon  quil  trouvera  en  la  desduite  du  proces,  quil  forme  ses  conclusions.  La  sentence  prononcee,  quon  luy  commecte  la  charge  de  la  faire  executer  et  quil  aide  iusque  au  lieu  estant  accompaigne  du  saultier  ei  des  sergens:  et  soit  la  iusque  a  lexecution  parfaite.  Que  en  deffault  du  lieutenant,  soit  par  absence  ou  maladie,  le  premier  des  assistens  tienne  son  lieu  et  supplie  a  tout  ce  qui  sera  de  son  office.  Calvini  opera.  Vol  X.  10