9:145  145  AD  WESTPHALUM.  146  vivos  et  mortuos  immani  modo  laceravit.  Ego  importunam  hanc  feritatem  refutans,  nomini  tamen  peperci,  ut  si  forte  sanabili  esset  ingenio,  tacite  sepeliretur  eius  ignominia.  Hoc  repudians  violento  scripto,  ne  dicam  cyclopico,  non  modo  coelum  terrae  miscere,  sed  Acheronta  movere  conatus  est.  Hic  ego  tam  praefractam  hominis  intemperiem  mediocribus  remediis  non  posse  mitigari  existimans,  stylum  acuere  mihi  permisi.  Quid  enim  facerem?  quia  vel  silentio  prodenda  fuisset  alioqui  veritas:  vel  placida  mollique  [pag.  131  actione  dandum  timiditatis  ac  diffidentiae  signum.  Nam  quasi  ex  Dei  manibus  extorsisset  omnia  fulmina,  quae  formidabili  modo  in  capita  nostra  torqueret,  verborum  crepitu  mentes  omnium  percelleie  tentavit.  Quia  gravior  refutatio  ridiculos  anathematum  eius  terrores  discussit,  quidquid  petulantiae  vel  furoris  in  nos  vomuit,  delitias  esse  fingens,  me  omnis  humanitatis  et  modestiae  oblitum  esse  causatur.  Ergo  quum  intractabilis  fuerit  eius  ferocia,  quam  tota  eius  declamatio  frivola  sit  et  puerilis,  facile  apparet.  Perinde  enim  ac  si  leones  et  ursi,  dum  rabiose  obvium  quemque  impetunt,  causentur  se  non  mulceri:  ita  delicatulus  hic  homo  plus  quam  atrociter  Christi  doctrinam  eiusque  ministros  proscindens,  non  agi  fraterne  secum,  magni  criminis  loco  censet.  Sed  in  eo  vertitur  tota  quaestio,  privatamne  iniuriam  voluerim  ulcisci,  an  vero  pro  causae  publicae  defensione  Westphalo  me  strenue  opposuerim.  Nam  [pag.  14]  quidquid  mihi  privatim  iniuriae  intulit,  patientia  tamen  fuit  devorandum.  Sed  si  huc  spectavit  tota  vehementia,  ne  bona  causa,  adeoque  sacrosancta  Christi  veritas,  fastuosis  Westphali  clamoribus  obruta  succumberet,  cur  mihi  vitio  vertetur?  Utinam  vel  modice  gustasset  hic  perversus  censor  quid  valeat  illud:  Zelus  domus  tuae  comedit  me  et  opprobria  exprobrantium  tibi  ceciderunt  super  me!  (Psalm.  69,  10).  Non  tam  praepostere,  quasi  illudens,  sanctam  illam  Petri  admonitionem  in  suum  commodum  torqueret.  Christi  exemplo  nos  Petrus  hortatur  ad  contumelias  et  quasvis  insectationes  placide  ferendas  (1  Petr.  2,  23).  Silentium  ergo,  quod  Christus  iniuste  accusatus  praestitit,  Westphalus  ab  eius  ministris  exigit,  quoties  oppugnatur  veritas.  Quasi  vero  ubi  iubentur  omnes  fortiter  vociferari,  evangelii  praeconibus  perfidae  tolerantiae  legem  illic  apostolus  praescribat.  Itaque  donec  ostendat  Westphalus  privata  convicia  me  retaliasse,  [pag.  15]  ac  propriae  causae  magis  fuisse  addictum,  quam  doctrinae  propugnationi,  de  patientia  et  silentio  eum  putide  nugari  intelligent  lectores.  Me  etiam  accusat,  quod  hostem  mihi  reconciliare  non  studuerim.  Ego  vero  et  initio  rationem  sequutus  sum,  quae  sedandis  offensis  aptissima  erat;  et  nunc  si  velit  in  gratiam  redire,  qui  me  toties  laesit,  non  detrecto.  Christum  iudicem  appello,  testesque  omnes  angelos,  Calvini  opera.  Vol.  IX.