8:145  145  I.  Proces  -  Verbal  de  la  congregation  du  16  octobre  1551.  {Registre  de  la  Venerable  Compagnie,  Vol.  A.  p.  103  smv.)  Le  Vendredi  16.  iour  d'Octobre  Sur  la  proposition  qui  se  faisoit  ledit  iour  suyvant  la  coustume,  apres  que  M.  Sainct  Andre  eut  expose  le  passage  de  S.  Iehan  8.  Chap.:  Qui  est  de  Dieu  il  oyt  les  paroles  de  Dieu,  et  que  apres  luy  aussi  Me.  Guillaume  Farel  eut  adiouste  ce  que  nostre  Seigneur  luy  donna,  Me.  Hierosme  Bolsec  duquel  il  a  este  parle  cy  dessus  reeommenca  a  mettre  en  avant  ses  faulses  propositions  de  l'election  et  reprobation  nyant  qu'elles  fussent  ah  aeterno  et  disant  avec  grandes  protestations  et  exhortations  qu'on  ne  devoit  recognoistre  autre  election  ou  reprobation  que  celle  qui  se  voit  en  croyant  ou  ne  croyant  point:  et  que  ceux  qui  mettent  une  volonte  eternelle  en  Dieu  par  laquelle  il  ait  ordonne  les  uns  a  vie  les  autres  a  mort  en  font  un  tyrant  voire  une  idole  comme  les  payens  ont  faict  de  Iupiter:  sie  volo  sic  iubeo  sit  pro  ratione  volontas:  disant  que  c'estoit  heresie  et  que  telle  doctrine  emportoit  grand  scandale,  puis  qu'on  faisoit  a  croire  a  S.  Augustin  quil  estoit  de  ceste  opinion  ce  qui  estoit  faulx  comme  il  monstreroit.  Davantage  qu'on  avoit  deprave  plusieurs  passages  de  l'Escriture  pour  soustenir  ceste  faulse  et  perverse  doctrine,  et  mesmes  aux  translations  francoises  alleguant  le  16.  des  proverbes  ou  il  est  dit  que  Dieu  a  tout  faict  pour  sa  gloire  voire  le  meschant  au  iour  de  sa  perdition  disant  qu'on  avoit  mis  au  lieu  de  meschant  l'iniquite  et  qu'on  se  donnast  bien  garde  de  telle  translation:  aussi  qu'on  avoit  deprave  et  corrompu  le  passage  de  S.  Paul  aux  Romains  ou  il  est  parle  de  Pharao  que  Dieu  l'a  suscite  pour  monstrer  en  luy  Calvini  opera.  Vol  V11L