58:145  145  DE  IACOB  ET  ESAU.  146  encore  esmeues  d'un  coste  et  d'autre.  Notons  bien  donc,  quand  on  nous  fera  quelque  exces,  et  que  la  ou  nous  aurons  cerche  de  faire  plaisir  et  service  a  chacun  que  nous  serons  piquez  et  tourmentez,  que  cela  se  fait  par  la  volonte  de  Dieu,  lequel  veut  que  nous  bataillions,  non  point  en  mal-faisant,  ne  rendant  mal  pour  mal  :  mais  possedans  nos  ames  en  patience,  comme  aussi  nostre  Seigneur  Iesus  Christ  nous  y  exhorte.  Et  aussi  a  l'opposite,  quand  nous  verrons  les  hommes  nous  estre  favorables,  et  n'intenter  nulle  querelle  ne  riote,  cognoissons  que  Dieu  a  pitie  de  nous,  et  qu'il  gouverne  ses  creatures,  et  les  conduit  a  telle  fin  que  bon  lui  semble.  Et  ainsi  prions  Dieu  toutefois  et  quantes  que  nos  ennemis  usent  de  cruaute  envers  nous  et  que  nous  ne  les  pouvons  gagner  en  facon  que  ce  soit,  pour  quelque  moderation  que  nous  usions,  qu'il  lui  plaise  y  mettre  la  main,  sachans  que  ceux  qui  sont  loups  il  les  peut  convertir  en  brebis  quand  il  lui  plaira.  C'est  ce  que  nous  avons  a  retenir  en  premier  lieu  de  ceste  hi&toire.  Or  il  est  dit  qu'Isaac  parle  assez  rudement  ee  premiere  entree:  Que  veneg-vous  faire  vers  moy  ?  Vous  me  haisseg  :  et  mesme  vous  m'avez  dechasse  du  milieu  de  vous.  Nous  verrons  par  la  procedure,  qu'Isaac  n'a  point  nourri  en  son  coeur  un  venin,  ni  amertume,  ni  appetit  de  vengeance:  car  il  a  este  tantost  appaise:  et  quand  il  reproche  a  Abimelech,  et  a  toute  sa  suite,  qu'ils  l'ont  hai  et  l'ont  persecute  :  ce  n'est  pas  par  forme  d'iniure,  ainsi  que  nous  avons  accoustume  de  faire.  Car  si  on  nous  a  fait  quelque  ennui,  ou  quelque  tort,  nous  aiguisons  nos  langues  a  mesdire  et  detracter:  il  n'y  a  que  haines,  contentions  et  blasmes:  bref,  si  nous  pouvions  descirer  par  pieces  ceux  qui  nous  ont  fasche  nous  le  ferions  volontiers.  Et  c'est  ce  que  dit  Salomon,  Que  la  haine  descouvre  les  reproches,  les  blasmes  et  les  iniures.  Quand  donc  les  coeurs  sont  ainsi  enflammez,  il  est  impossible  qu'aussi  les  langues  ne  se  desbordent  pour  s'outrager  l'un  l'autre.  Or  Isaac  n'y  procede  point  de  telle  facon  :  mais  nous  avons  a  noter,  quand  nous  serons  patiens,  que  cela  n'empesche  pas  que  nous  n'ayons  liberte  de  remonstrer  a  ceux  qui  ont  failli  le  tort  qu'ils  nous  font,  et  leur  faire  sentir  leur  offence:  afin  que  le  tout  leur  profite.  Il  est  vray  qu'ici  il  nous  faut  bien  examiner  quelle  est  nostre  affection:  car  il  est  bien  difficile,  et  c'est  une  chose  fort  rare,  qu'un  homme  qui  aura  este  offence,  ne  soit  esmeu  de  quelque  passion,  et  qu'il  ne  poursuive  tousiours  sa  cause  particuliere.  Et  pourtant  i'ay  dit,  qu'il  nous  faut  entrer  en  nous,  et  regarder  bien  si  nous  ne  sommes  point  esmeus  de  vengeance  ni  entachez  d'aucune  haine  ni  rancune:  quand  nous  aurons  cognu  cela,  alors  nous  pourrons  avoir  la  Calvini  opera.  Vol.  LVIII.