52:145  145  CAPUT  IL  146  dignum,  quod  pro  spe  aeternae  salutis  ponit  Christi  exspectationem.  Nam  certe  sine  Christo  perditi  sumus  ac  desperati:  ubi  autem  prodit  Christus,  simul  affulget  vita  et  prosperitas.  Sed  hoc  fidelibus  tantum  dici  meminerimus:  nam  sicuti  impiis  venturus  est  iudex,  ita  nihil  quam  expavescere  ad  eius  exspectationem  possunt.  Atque  hoc  est  quod  postea  subiicit,  Christum  nos  liberare  ab  ira  ventura.  Hoc  enim  non  alii  sentiunt,  nisi  qui  per  fidem  Deo  reconciliati  iam  pacatam  conscientiam  habeant:  alias  formidabile  est  eius  nomen.  Caeterum  liberavit  nos  quidem  morte  sua  Christus  ab  ira  Dei:  sed  quid  liberatio  illa  valeat,  patebit  extremo  die.  Constat  autem  sententia  haec  duobus  membris.  Prius  est,  quod  ira  Dei  aeternumque  exitium  humano  generi  imminet:  quia  peccarunt  omnes  ac  destituuntur  gloria  Dei.  Alterum  quod  non  alia  effugiendi  ratio  est  nisi  per  Christi  gratiam:  quia  non  frustra  has  illi  partes  Paulus  vendicat.  Sed  hoc  inaestimabile  est  donum,  quod  pii,  quoties  iudicii  fit  mentio,  Christum  sibi  redemptorem  venturum  sciunt.  Adde  quod  diserte  ponit  iram  venturam,  ut  pias  mentes  sursum  erigat,  ne  subsidant  in  praesentis  vitae  intuitu.  Nam  quum  fides  visio  sit  rerum  non  apparentium,  nihil  minus  consentaneum  est  quam  ut  iram  Dei  metiamur  prout  quisquam  affligitur  in  mundo:  sicuti  nihil  magis  absurdum  quam  arripere  caduca  bona  quibus  fruimur,  ut  inde  aestimemus  Dei  gratiam.  Discamus  ergo,  dum  secure  luxuriantur  impii,  et  nos  misere  languemus,  vindictam  Dei,  quae  oculis  carnis  abscondita  est,  timere,  et  acquiescere  in  arcanis  spiritualis  vitae  delitiis.  10.  Quem  suscitavit.  Christi  resurrectionem  hic  commemorat,  in  qua  nostrae  resurrectionis  spes  fundata  est:  nam  undique  mors  nos  obsidet.  Itaque  nisi  in  Christum  respicere  discamus,  singulis  momentis  concident  nobis  animi.  Eadem  ratione  admonet  Christum  e  coelo  esse  exspectandum:  quia  nihil  in  mundo  reperiemus  quod  nos  sustineat:  sunt  autem  infinitae  tentationes  quae  nos  exaniment.  Alia  quoque  circumstantia  notanda  est.  Nam  quia  in  hunc  finem  resurrexit  Christus,  ut  eiusdem  gloriae  nos  omnes  tandem  consortes  faciat  qui  sumus  eius  membra:  significat  Paulus,  irritam  fore  resurrectionem,  nisi  iterum  appareat  suorum  redemptor,  fructumque  et  effectum  eius,  quam  in  se  exhibuit,  virtutis  ad  totum  ecclesiae  corpus  extendat.  CAPUT  u.  1.  Ipsi  enim  nostis,  fratres,  quod  ingressus  noster  ad  vos  non  inanis  fuerit:  2.  imo  quod  persequutionem  passi,  et  probro  affecti  Philippis  (ut  scitis)  fiduciam  sumpsimus  in  Deo  nostro  proferendi  apud  vos  Calvini  opera.  Vol.  LII.