51:145  CAPUT  I.  1.  Paulus,  apostolus  Iesu  Christi  per  voluntatem  Dei,  sanctis  omnibus  qui  sunt  Ephesi,  et  fidelibus  in  Christo  Iesu,  2.  gratia  vobis  et  pax  a  Deo  patre  nostro  et  Domino  Iesu  Christo.  3.  Benedictus  Deus  et  pater  Domini  nostri  Iesu  Christi,  qui  benedixit  nos  in  omni  benedictione  spirituali  in  coelestibus  in  Christo  :  4.  quemadmodum  elegit  nos  in  ipso  ante  mundi  creationem,  ut  simus  sancti  et  inculpati  in  conspectu  suo  per  charitatem  :  5.  qui  praedestinavit  nos  in  adoptionem  per  Iesum  Christum  in  se  ipso,  secundum  beneplacitum  voluntatis  suae,  6.  in  laudem  gloriae  gratiae  suae,  qua  nos  gratos  habuit  in  dilecto,  1.  Paulus  apostolus.  Quando  eadem  fere  aut  saltem  non  multum  diversa  in  omnibus  epistolis  salutationis  forma  utitur:  supervacuum  esset  hic  repetere  quae  alibi  dicta  sunt.  Apostolum  se  vocat  Iesu  Christi.  Nam  legatione  pro  illo  funguntur  omnes  quibus  datura  est  ministerium  reconciliationis.  Quamquam  nomen  apostoli  magis  est  speciale.  Neque  enim  quivis  Evangelii  minister  protinus  etiam  est  apostolus:  ut  videbimus  infra  4,  l  l  .  Verum  de  hac  re  plura  ad  Galatas.  Addit  per  vol  u  n  t  a  t  em  Dei.  Quia  nemo  sibi  honorem  sumere  debet,  sed  exspectanda  Dei  vocatio,  quae  legitimos  ministros  sola  facit:  atque  ita  Dei  autoritatem  improborum  susurris  opponens,  ansam  temerariis  litibus  praecidit.  Sanctos  nominat  eosdem  quos  postea  f  i  d  e  l  e  s  in  Christo.  Ergo  nemo  fidelis,  nisi  qui  etiam  sanctus:  et  nemo  rursum  sanctus,  nisi  qui  fidelis.  Maior  pars  graecorum  exemplarium  non*habet  omnibus:  quod  tamen  delere  nolui,  quia  alioqui  subaudiendum  est.  3.  Benedictus  Deus.  Magnifice  extollit  Dei  gratiam  erga  Ephesios,  ut  ad  gratitudinem  excitet  eorum  corda,  imo  tota  inflammet,  occupet  atque  impleat  hac  cogitatione.  Nam  qui  tam  effusam  in  se  agnoscunt  Dei  bonitatem,  ut  nihil  desit  ad  solidum  complementum,  et  in  hac  meditatione  se  assidue  exercent:  ii  nunquam  admittent  novas  doctrinas,  quae  obscurent  illam  ipsam  gratiam,  quam  in  se  efficaciter  iam  sentiunt.  Ergo  finis  apostoli  fuit,  divinae  erga  Ephesios  gratiae  magnitudinem  prae-  Calvini  opera.  Vol.  LI.